【使徒行者2】袁伟豪接王浩信棒　演天堂哥接捧做骚肌王

《同盟》仓卒做完，今晚《踩过界》就接棒再嘭嘭声做完。不少网友都率先看过《踩》的大结局，相信都不会有太大惊喜。所以，是时候move on了！TVB近期铺天盖地播晒Trailer宣传《使徒行者2》，准时过闹钟。见到一连串预告，除了见到TVB为刚加入星梦做一哥周柏豪造势，唱主题曲兼揼本拍埋音乐微电影之外，同时发现“Show肌王”王浩信后继有人喇！之后时间交由袁伟豪接力，继续为女观众带来视觉冲撃。

之前讲过“人类无法阻止王浩信骚肌”，《不懂撒娇的女人》做Saving喺街骚，ok fine，但连《踩过界》喺法庭又骚，真系想讲：“完喇好吗？”骚足咁耐，系时候都要唞下，但TVB又点会有骚肌真空期？所以今次委派另一位小生袁伟豪在《使徒行者2》晒靓肌，不惜以白色泳裤示人！

系呀！你冇听错，亦都冇睇错！袁伟豪在预告片里，化身成为“天堂哥”。一开波就见到他穿上白色泳裤上水，其后身边不乏异性氹氹转，短短十秒已经好多嘢睇。不过肌肉点会只show一次？见到记者会及预告片，有袁伟豪的场面，大多都是赤裸上身，落街一晒、与翠如bb有感情线又晒，畀人照顾又再晒一晒，女士们真系少啲定力都唔掂。这又难怪，袁伟豪操得一副好身形，不炫耀一下又好浪费，所以大家放心，袁伟豪与王浩信都会走同一条路，晒肌everywhere！

正呀喂！完美袁伟豪图集：