【嫁到这世界边端】独家访问阿联酋港女人妻：丈夫放我在第一位

无线节目《嫁到这世界边端》昨晚播出了最后一集，与前晚一连两集的中东篇都是讲嫁到阿联酋的港女人妻Laila，与丈夫Assad以及女儿Aisha一家三口在阿布札比的生活，不过这次似乎讲了好多有关伊斯兰教和当地特色，似介绍宗教和旅游特辑多些，反而没有怎去细讲Laila这位港女同叙利亚丈夫的爱情故事。有网民会觉得一个港女嫁到中东这么远，各种文化差异加上又热又不能够入籍，还要守这么多规条，戥Laila辛苦。不过Laila就觉得现在的生活很幸福：“幸福对我嚟讲就系简单同满足，我满足于现状，所以我觉得好开心，好幸福。”

讲到信奉伊斯兰教的Laila在节目中表示嫁给丈夫是神的主意，即有网民质疑：“吓？神叫你嫁就嫁？”但当然Laila愿意走进婚姻也是基于对丈夫的爱，她说：“咁大家初相识时好感一定有，唔系都唔会继续交往落去，作为虔诚的教徒，我哋都好清晰男女彼此应尽嘅责任，男人要照顾家庭，善待妻子同子女，孝顺父母，而我丈夫全部都做得到。我就嚟结婚前开始实习伊斯兰教嘅教义，初时好多嘢唔了解，会尊重呢个宗教，但都会有啲却步，好唔惯。我𠮶时系有个印度人老板请我过阿布札比工作，老板两夫妻都系伊斯兰教教徒，老板娘喺香港长大，好照顾我，其实系佢哋引导我入教多过我老公。”

中东是个保守的国度，加上信奉伊斯兰教就更加要非常守礼，情侣夫妻间在公众场所拖手和亲吻等通统无可能，然而在私底下，一样可以好恩爱的：“我同老公当然都会做啲sweet嘢，正常夫妻生活，正常夫妇会做嘅我哋都会做，只不过呢度嘅人比较含蓄，觉得呢啲咁私人嘅嘢无须要做畀其他人睇。”Laila更大赞老公真的好sweet好细心：“佢将我同囡囡放喺第一位，每朝都会早过我起身，煮早餐畀我哋食，12年嚟从不间断，有时我个人会好心急，好冲，老公就会提醒我要放松个人，陪我读经令我冷静返，又会叫我抖下唔好做家务住，叫我唔好煮饭出街食或者佢出街买。”其实不用甚么大惊喜，日常生活小细节上的关爱有时更加窝心，更实在。

而Laila丈夫令她最感动的一次竟然是为了她报警：“有次我唔记得带电话，老公揾唔到我，打晒畀我识嘅人问知唔知我去咗边，好担心我，我放早咗工去咗超市买𩠌所以迟咗个几两个钟返屋企，佢就担心到报咗警，好傻，不过亦令我知道佢真系从心底里关心同紧张我。”至于觉得中东男人和港男有甚么不同，Laila说：“可能我无遇过啲好好嘅港男，我识嘅香港男仔都无咩深度，中东嘅男人就好gentleman，就算唔识对方都会开门让女性行先，揸车又会特登停低让女性过先，女性如果有咩事只要大嗌，就一定会有男士冲过来帮你，啲男人一定会出手，好保护女性，咩都系女人啱咗先。”

那么港女嫁入叙利亚家庭又会否有婆媳问题呢？Laila就很幸运地有对很锡她的老爷奶奶，亦曾令她非常感动，虽然两人已经离世，但Laila仍很怀念他们：“当年我同老公想结婚，佢就打电话返叙利亚问佢父母，佢哋话‘最紧要你系钟意呢个女仔，因为你钟意就得㗎喇。’我知道当然好开心啦，因为我好担心佢哋唔能够接受我呢个香港人。香港啲朋友又吓我叫我要小心啲，搞到我都战战兢兢，点知佢哋好锡我好接受我。婚后我去咗当地探佢哋，有段小插曲就系有邻居过嚟凑热闹，想睇下我呢个香港人新抱，姑仔讲我知其中有个邻居就问奶奶：‘你娶咗个外国人新抱，要唔要娶多个叙利亚新抱？’几衰呀！点知我奶奶答𠮶个人话：‘呢个新抱几好吖，我唔知呀，我个仔觉得OK就得啦，我尊重我个仔。’奶奶呢一番说话真系令我好感动。仲有老爷平时比较内歛，点知有次老公佢哋家庭会议，老爷竟然同我老公讲：‘今世人做得最啱嘅决定就系娶咗这个老婆。’我听完又系好感动。”

可能大家都会好奇当初Laila一个香港女仔要嫁到中东这么远，她父母又有否反对过呢？Laila说：“我妈妈好耐之前已经离世，我爸爸都有话如果我妈妈仲在生，佢一定唔会舍得畀我嫁到咁远。我爸爸就好open minded，畀好多自由我，佢话有咩事都可以随时返嚟佢身边，屋企嘅门永远都会为我打开，我好感激我爸爸。爸爸年年都会嚟阿布札比探我哋，系今年身体唔好先无过嚟，我哋都会返香港探佢。”Laila这个中东幸福人妻现在还会在facebook跟大家开心share烹饪心得，教大家煮中东菜：“我以前喺香港连蛋都唔识煎，其实我好钟意煮嘢食，但我爸爸同爷爷都系大厨，佢哋都唔会畀我入厨房，觉得我搞搞震。系嚟咗中东先开始学煮嘢食，我好钟意食异国嘢食，中东菜都好好味，想同大家分享一下。”

最后，讲起节目中有一幕因一名伊斯兰教女仔知悉自己被上镜而要求摄制队删除影像，更恐吓主持陈贝儿不能让该片段出街，否则她的哥哥会飞去香港杀死贝儿，网民亦纷纷留言指TVB这样做会害了该女子，问到Laila当日的情况，她说：“其实个女仔只系讲笑，佢系笑住咁讲话：‘唔得㗎，唔影得㗎！’因为当地女仔对于被人影到个样会比较敏感，但佢唔系真系发嬲，影到佢哋个样上节目亦唔会特别影响到佢哋，畀唔畀人影到个样完全系出于自己意愿，但并唔会因为畀人影到个样而受歧视。”