麦玲玲师傅拍无线新节目攞正牌昅仔　忘记向老公申报︰真系冇谂过

香港著名堪舆学家麦玲玲师傅，今日（31/1）年初三现身沙田马场出农历新年赛马日。玲玲师接受《香港01》访问时爆响口称已获无线安排拍摄新节目，攞正牌昅仔：“其实而家仲倾紧，谂住同几个老中青嘅女仔一齐，走去唔同嘅地方睇唔同嘅仔仔。而我就代表老个团都唔定，会同啲后生嘅女仔一齐去睇。”

被问到有否同老公申请 ？麦玲玲师傅笑言：“咁又真系冇谂过㖞，我直头系冇谂过呢件事，你哋真系一言惊醒梦中人。（你嘅标准系点？）其实我睇男仔系唔叻嘅，我系到大个先识分。以前我系钟意肥仔，但到而家都系钟意肥仔嘅，咁所以唔好以我为标准。我见到啲大肚腩我系会走埋去摸。”