李龙基买贺年花过年 家居维修飞机工作坊大曝光：得闲整吓飞机
撰文： 吴子生
出版：更新：
农历新年有很多过年的习俗，不少人都会购买年花装饰屋企，好意头之余又可增添新年气氛，李龙基（基哥）亦不例外，亲身走到花店精心挑选三大颜色的兰花，当中包括有红色、紫色及黄色品种的兰花，基哥表示：“红色及紫色的兰花，寓意演艺事业大红大紫，至于黄色嘅兰花，就代表由年头旺到年尾爆骚。”基哥更即场亲手为兰花上盆，然后再配置不同的饰物，为盆栽增添不少生气。基哥透露其中一双雀鸟，代表他同未婚妻王青霞成双成对，永不分离。半小时后，基哥开心捧住战利品揸车返元朗屋企。
基哥入到屋，第一时间将兰花盆栽摆放在客厅中的茶几上，即时为家居增添不少喜喜洋洋过年节日气氛。讲到新的一年大计，基哥笑言：“其实我嘅大计就系冇大计，因为我哋做呢行，就算你几努力去争取都未必得，咁所以我哋都系好被动，但都要努力要做好准备，当啲工作嚟到嘅时候都可以做啦。不过今年我又觉得几开心，因为过完年之后，喺2月25日，就会喺文化中心开一场嘅演唱会，27号就去美国同加拿大做七场嘅巡回演唱，咁所以十分期待。”
基哥作为飞机爱好者，家中客饭厅旁有个维修模型飞机的工作坊，当中摆放了不同的工具及零件相当齐全，为基哥维修模型飞机更加得心应手：“其实咁多年嚟，对遥控模型飞机嘅兴趣系有增无减，加上我未婚妻仲未喺我身边，变咗好多时间出咗嚟，咁所以我而家一得闲都会整吓飞机，相反以前未婚妻喺我身边嘅时候，就冇时间整。虽然佢都钟意飞机，但佢就唔钟意砌模型飞机，始终佢系女孩子，唔会好似我哋啲男人咁会去到荒山野岭，而且又晒又污糟，女孩子系唔得嘅。”
特别鸣谢：WITH FLORA 万华园
+1