麦玲玲预测来年港股走势 药业睇高一线：地产唔好期望过高

香港著名堪舆学家麦玲玲师傅今日（16/1）现身电视城出席无线节目《2025风生水起》记者会。对于新一年香港经济走势，玲玲师傅表示：“蛇本身有特性，佢有大半时间都系冬眠，所以蛇系储存能量嘅动物嚟，咁所以好似条蛇咁守一守，去储存能量先。同埋蛇系会脱皮嘅，咁即系代表脱变嘅年，我哋有好多嘢要去改变，”

问到港股有什么板块要注意？玲玲师傅表示：“入咗火运，药物我哋系睇高一线嘅，属水嘅行业航空同环保都唔系好差。但金融的而且确唔容易嘅，大家一定要见好就收。（地产有冇起色？）要有政府一啲扶持先至得，同埋呢个9运起落冇咁大 ，有钱冇钱分别冇咁大，同埋喺区分上，香港系冇咁入运，所以大家系要守一守，唔好期望过高。”