【港姐2017】巴打听到好开心 大热港姐17岁Mandy :而家唔想拍拖

无错！又系港姐呀！虽然台风纳莎吹袭台湾，但摄制队都趁大雨尚未来临，尽快完成拍摄。港姐监制陈良旭就表示今次请来宣萱同袁文杰，再次饰演《不懂撒娇的女人》的Mall姐及游生，负责派任务畀12位佳丽。接受挑战途中，有机会淘汰佳丽，但人数、形式尚未决定。另外，因为台风关系，有些场景就要转到室内进行。

来到第四日，同Mandy讲佢又瘦咗，佢就一定好开心。这几天来她只食水果，少食淀粉，效果真是非常显著，她想了想：“可能我新陈代谢快啩。”讲下讲下，就讲起她日常如何嗲妈咪，她说：“我肚饿时，就会嗲佢：‘妈咪，我好肚饿啊，可唔可以煮嘢畀我食啊。’（咁你会唔会嗲男朋友？）我冇男朋友，而家唔想拍拖呀⋯点解要拍拖⋯（咁以前呢？）唔知呀⋯”看Mandy腼腆的样子，坚系真情流露。

Mandy人生得高（173cm），个样令你羡慕，但她表示高度不是遗传：“我妈妈得15几，我爸都唔算好高，我都唔知点解，由细到大都系全班最高。（你咁细，仲有得高落去㖞）唔好喇⋯”提到她找男朋友要高过自己会唔会好难，她又好似熄了总掣说：“唔会啩⋯”真系可爱。

等待埋位期间，见到Mandy文青上身，用簿仔画起画来，看她画风，类似是“秘密花园绘本”的治愈画风，原来她有修读美术，考公开试成绩都不错。她说：“我最钟意莫奈，佢系印象派，另外我都钟意啲画风写实，又带点少女嘅。”热爱艺术的Mandy表示早前有去香港的罗浮宫展，有机会会带家人到真罗浮宫展参观。