【港姐2017．多图】12强执到正任你睇　17岁Mandy讲DSE成绩口窒窒

2017年香港小姐最后十二强终于面世，一众候选佳丽以黑白色服装示人，不过啲衫嘅cutting好似麻麻，骤眼一望以为系千层蛋糕，略嫌累赘。而非戏剧经理及监制陈旭亮表示今年港姐新玩法⋯其实只是由TVB Fun变成Big Big Channel，有个港姐专区，得闲开下Live而已。至于外景则是7月26日至8月1日进行，初步暂定时台湾。

今年港姐质素尚算平均，年龄介乎17-24岁，真系超young。其中最年轻的17岁港姐邱晴Mandy表现似乎超紧张，全程访问表现都吞吞吐吐。身为应届文凭试考生，Mandy提起放榜成绩，都似乎面有难色，声线微弱地说：“考得唔系咁好啰⋯”事后再次追问她考几多分，Mandy都不太愿透露。只讲到：“都忙于处理大学嘅事，希望两边都兼顾到。”

问到高登巴打都十分睇好她，她笑言多谢他们的支持，仲话：“我细个𠮶时都有上去望过吓嘅。”17岁的Mandy，目前都没有拍拖，巴打都可以考虑下，而且Mandy都不太介意别人只著眼她的身材：“每个人都有自己嘅身材嘅，我就唔太钟意自己有byebye肉。（条腰呢？）都ok，都有廿几寸（系正常尺寸？）好在都幼同埋高嘅。”Mandy现在极力打泰拳减肥。事后同Mandy讲唔好惊，她说：“我知呀，但我真系好紧张，都习惯紧㗎啰。”非常直率及纯真。