【港姐2017】17岁Mandy紧张失眠　唔怕状态差输蚀：对自己有信心

港姐外景来到第三日，除了海外佳丽Juliette赢了第一日的潮流穿搭比赛，可以同游生单独拍摄，其余佳丽今日就穿上夏日缤纷服装到大安森林公园进行拍摄。最年轻港姐，17岁的邱晴（Mandy）好像还不太习惯，一时滔滔不绝，一时又回到腼腆mode，好似今日咁，影相时身旁的保姆都忍唔住出声：“你尽情影喇！”Mandy才露出招牌怕羞表情，慢慢摆甫士，真系好难捉摸。

问到Mandy是否还未习惯，她说：“都唔系呀，只系呢几日好夜瞓，又好早起身，所以望落精神唔系几好啰。（几点瞓几点起身？）都成两点几瞓，今日又五点三起身？（因咩事咁迟瞓？）冇呀，可能因为我真系好紧张，夜晚唔系好瞓到，所以夜瞓。”问到现时好似被其他佳丽输蚀，Mandy就话：“唔会呀，我对自己好有信心。”叫她示范甚么是自信，她随即以笑容说明。

至于一身阿拉丁茉莉公主look的张宝欣就话昨日终于有得瞓够八个钟：“㖊晚11点瞓，之前有几日都冇瞓够八个钟，加上之前准备行李又拍摄咁，所以望落去好攰，我都承认自己状态唔系咁好。”她说港姐外景虽然冇得自己出去玩，但系同佳丽一齐食嘢好开心：“我都冇话想去边。”听落宝欣都好听话，冇心郁想静鸡鸡走出去。