【港姐2017】港姐获特别待遇？　TVB每人送一个TVBuddy 行李箱

12位港姐今日就要出发到台湾拍摄外景。TVB今年有特别待遇，送出特别版TVBuddy 20吋行李箱，一人一个，以员工优惠价买的话，价值三百多元。不过一个行李箱当hand carry远远未够，佳丽都自备约26-28吋行李，但骤眼所见，她们用的行李箱都好平民。

至于大热Kelly伍乐怡承认有位测量师男朋友：“我同佢感情都好稳定。（拍咗几耐？）都两年喇。（今日佢有冇送你机？）冇呀，因为太早，同埋我哋都好独立㗎喇。（但离开6日唔会好挂住？）都会FaceTime嘅。”Kelly表示男友对她选港姐都充满信心及支持。

唔知17岁Mandy邱晴系咪少女心依然满泻，她带了卡通公仔行李箱。她说：“见屋企有呢个就拎。”对比上次，Mandy多了自信，她滔滔不绝讲起：“听讲台湾好热，所以我都一定要带防晒，（惊唔惊太热会辛苦？）我都怕晕低啊，因为呢排我都食好少嘢。”Mandy是比较有肉地，为了穿泳装她还特意减肥：“我都只食流质食物，唔食淀粉质，希望减到喇。”

据知今晚一班佳丽会住在台湾车站附近的酒店，听闻好似好猛鬼？Mandy第一个反应就是瞪大眼睛问：“真系㗎？”之后她回一回神说：“都唔会太惊嘅，我都一直相信呢个世界咩都存在。（如果真系撞到咁点算？）冇㗎，惟有揽住同房Katarina 喇。”问到有冇带《圣经》旁身，Mandy说：“真系冇谂到⋯”至于Kelly闻言笑了一笑，说：“我妈咪系Christian（基督徒），之前喺加拿大都冇话啲咩特别仪式去驱鬼。呢啲嘢都系信就有，唔信就冇，唔去谂就冇事喇。”