【行山】吴俊霆如何用3日征服香港100山？体能与精密计算缺一不可
3日内要登上香港100高峰，听下去好像没有可能。
攀山家吴俊霆去年生出这个念头，并决心实践。他计算时间、规划路线、寻找队友、上山试路、安排交通……逐步将不可能变成可能。在1月3日早上，他与队友罗楚健登上西贡的蚺蛇尖，在3日行完香港100高峰，为香港移植协会筹得逾30万。或者有人以为走遍香港100山只是一项考验体能的挑战，但吴俊霆强调“仲要精密嘅计算，同埋要有好多人嘅帮助先做到”。
吴俊霆曾经完成七大洲最高峰，包括登上世界最高峰珠穆朗玛峰，近年他亦常常到外国攀山，或者在香港参加越野赛。不过，新冠肺炎疫情下，吴俊霆无法出国，而本地的大小山赛亦几乎全部取消，所以他萌生挑战香港100山的念头。他列出香港最高的100座山后，计算上落山的时间，发现以他的能力，有可能最快在3日内完成这项创举，便找好友罗楚健商量。他说：“山界好多劲人都系我嘅队友，但讲到最挨得眼瞓，又抵得谂，肯定系楚健。”
罗楚健是“超马”跑手，参加过多项长途越野赛，也是吴俊霆在山上的好拍档。吴俊霆说：“佢最初梗系话冇可能啦！3日100座，即系1日33座，减咗车程，真系每半个钟就要上一座。我解释畀佢听，其实步速上系得嘅，我哋平时由伯公坳上大东山或者凤凰山，都唔使半个钟，上座咁高嘅山都唔使半个钟㖞！最紧要物流做得好，我又玩过好多年定向，佢对我揾路同夜晚导航好有信心，佢知我一定可以设计出一条最短嘅路。”
挑战前试路3个月
虽然吴俊霆习惯独个儿上山，但考虑到这次挑战讲求速度，而且要连续3日不眠不休地行，所以他邀请罗楚健同行，两人可以在路上互相照应及鼓励。挑战前，吴俊霆及罗楚健花了3个月试路，先行一次100座山，寻找最快上落山及连接各座山峰的方法。吴俊霆说：“个计划前前后后改咗30次，3个月嘅准备，已经上过全部山1次，如果你讲大帽山、妙高台𠮶啲，呢段时间都上过4次。”
详细了解两人挑战路线：3日内走遍香港100高峰！吴俊霆、罗楚健发挥惊人体力与意志
规划好路线，吴俊霆就要安排路线之间的交通接送，例如他们首日（12月31日）花11个小时多便行完大屿山24座山，晚上要出荃湾行针山。他说：“横跨3日，车手加埋有6个，呢班朋友都好辛苦，要靠佢哋喺山脚等我哋。行山有时快，但慢起嚟可以慢两三个钟。我哋跑住就唔冻，佢哋坐低等其实几冻。”车手们还为两人准备饭盒，他笑说：“但通常到我食嘅时候已经冻咗。剩系粟米肉粒饭，我已经食咗3次，食到唔想再食。”
【吴俊霆与罗楚健走过大屿山群山】
每次坐车的时候，吴俊霆有没有争取时间小睡？他说：“举例由大屿山到城门嘅车程，其实只得20分钟，我上车食完盒饭，其实已经到咗。3日入面，我估计大概瞓咗5次，但每次都只系10分钟左右。”元旦凌晨，他们先上针山及大帽山一带群峰，日出时到达草山。这时候，吴俊霆开始脚痛，他说：“11月尾拗到，估唔到成个月都未好，跑咗6个钟已经少少痛，由草山落松仔园，又拗到少少。之后全程都痛住行，食足3日消炎止痛药，同埋要扎住。”
除夕夜、元旦日，香港的山头野岭相当热闹，两人见到大帽山道塞车，还有很多人在山上迎接新年。吴俊霆叹：“好多人庆祝，好兴奋，但好冻，个个都喺营入面，可能一班朋友玩啦。我同楚健就孤伶伶赶路，感觉都几特别。”
【吴俊霆与罗楚健在1月1日走过的山峰】
寒流下，又脚痛，睡意来袭，愈行愈慢，吴俊霆在旅程的第二晚十分辛苦。他们行完屯门的青山及望后石顶，转到荃湾行石龙拱一带的多座山峰。他说：“时间过咗一半，但比预期落后3个钟，好担心赶唔到。我同楚健讲，如果跟进度的话我哋有一两个钟瞓阵，但点知愈行愈慢，荡失路，天气冻，胃口差，食得少就自然行得慢，慢咗3个钟，代表冇时间瞓，仲要加速去赶路。”
靠白天追回落后时间
原本预计1月2日凌晨4时要到石龙拱，但两人到日出才抵达。不过，温暖的阳光带给两人力量。吴俊霆说：“喺日头，我哋做到平均每分钟上升16米，平路速度跑紧5分钟1公里，对于好多人嚟讲，呢个系比赛速度。日出后，个人精神咗，喺港岛同九龙嘅山追到时间，一来行过好多次，唔会迷路，二来沿途遇到好多熟人，觉得好兴奋，就可以行快啲。”
【吴俊霆与罗楚健在1月2日走过的山峰】
行完港岛及九龙群山，两人摸黑行黄牛山，深夜上马鞍山，在黑暗中落吊手岩，这段路全都不简单的。吴俊霆说：“我计过好多次，当初冇预过夜晚（速度）跌得咁劲，只谂住跌少少。车程又冇想像中咁顺，有时会塞一塞。”最后，他们在1月3日清晨上西贡群山，在上午10时半多抵达终点蚺蛇尖。他说：“临尾已经好眼训，周身骨痛，预计都赶得切，所以放慢速度行上去。”
为香港移植运动协会筹款
在72小时内，挨了3晚通宵，吴俊霆及罗楚健完成香港100山。他说：“有啲人觉得好神奇，因为好难做到，但有啲人就话，你都系冲、冲、冲啫，其实唔系。呢个挑战唔只要有体能，仲要精密的计算，同埋有好多人帮助。呢个世界冇话边个帮边个，社会系个群体，都要你帮我、我帮你先得，器官损赠都系。”吴俊霆透露，这次活动为香港移植运动协会筹到超过30万，有足够资金举行全港器官移植运动会。
【吴俊霆与罗楚健在1月3日走过的山峰】
推介弥勒山、大枕盖
除了冲纪录为慈善外，吴俊霆在这3日再一次欣赏香港山野之美。他经过日落下黄金璀璨的狗牙岭，在半夜上鸡公岭远眺高楼林立的深圳，到石龙拱观看壮丽的日出。他叹：“成日去外国爬山，或者喺香港比赛，好少休闲咁去露营郊游，有段长时间冇好好欣赏过香港郊野。我由7岁起行山，行咗35年，其实香港嘅山头，我喺18岁已经全部行过，但静落嚟慢慢去行，近10年都好少。好似遗忘咗好耐，原来夜晚睇香港嘅夜景都好靓。”
吴俊霆续说：“我都想藉呢次挑战，100座山入面其实好多冇乜人识，希望大家可以试下去啲少人嘅山，唔使个个逼晒去龙脊嘅。”被问到有什么冷门又靓景的山峰，他介绍大屿山昂坪附近的弥勒山，“风景唔差过凤凰山，但上到去冇人”。之后，他提到西贡的大枕盖，“我一年前行、试路到今次去行，次次上到去都冇人，但其实山上望万宜水库嘅风景系好靓”。
体能、计划、朋友、知识技巧缺一不可
吴俊霆说：“我好想多啲人钟意香港郊野，学习下点样喺山上生存，同埋山嘅知识。做到3日100座山，唔系剩靠体能同速度，夜晚嘅导航能力、照顾自己嘅能力同安排饮食，你要清楚自己身体承受到几多，仲有落山、上山技术，点样用装备，真系好多方面配合先做到。我行嘅小路，其实好多人都唔识，我要好识香港山野嘅历史先知，所以我都好鼓励大家，除咗行山技巧，仲可以认识香港山野嘅历史。”
最后，吴俊霆强调要感谢拍档罗楚健，他说：“七大洲最高峰，有3座系同楚健行，佢系我夹得最多嘅队友，超过50场，好多冠军都系同佢一齐拎。其实系好容易情绪低落发脾气，但咁多年都冇乜拗撬，几辛苦都唔会向对方发脾气，只有互相支持，真系奇迹嚟。好难得，揾到呢个人。”
【在2020年，他们都曾经行完香港100山】
张志辉的13日Kill标路线（按图放大）：
吴俊霆表示要挑战的香港100高峰列表：
大帽山（957米）、凤凰山（934米）、大东山（869米）、四方山（785米）、禾秧山（771米）、莲花山（766米）、妙高台（765米）、弥勒山（751米）、二东山（747米）、鸭脚沥（722米）、三山台（721米）、马鞍山（702米）、禾塘岗（702米）、牛押山（677米）、燕岩顶（660米）、草山（647米）、黄岭（639米）、水牛山（606米）、黄牛山（604米）、飞鹅山（602米）、弯曲山（592米）、纯阳峰（590米）、吊手岩（589米）、走马岗（588米）、鸡公罗天顶（585米）、象山（585米）、莲花山（585米）、青山（583米）、莲花山（579米）、大老山（577米）、牛牯膊（574米）、大刀屻（566米）、鳄鱼朝天（559米）、扯旗山（552米）、犁壁山（550米）、观音山（546米）、东山（544米）、石芽山（540米）、狗牙岭（539米）、大金钟（536米）、东洋山（533米）、针山（532米）、柏架山（532米）、薄刀屻（529米）、屏风山（529米）、芙蓉别（514米）、仙姑峰（511米）、花山头（508米）、九迳山（507米）、辘牛岭（503米）、奇力山（501米）、狮子山（495米）、西高山（494米）、狮子头山（493米）、红花岭（492米）、灵会山（490米）、红花寨（489米）、慈云山（488米）、龟头岭（486米）、花山尾 483米）、婆髻山（482米）、石屋山（481米）、北大刀屻（480米）、木鱼山（479米）、歌赋山（479米）、石龙拱（474米）、南山（472米）、蚺蛇尖（468米）、大磡森（466米）、老虎头（465米）、和尚峒（465米）、田夫仔山（461米）、羗山（459米）、笔架山（457米）、岩头山（452米）、象山（449米）、长屻山（443米）、九龙坑山（440米）、金马伦山（439米）、鸡胸山（437米）、白燕岩（436米）、毕拿山（436米）、观音山（434米）、紫罗兰山（433米）、渣甸山（433米）、鹧鸪山（432米）、望后石顶 432米）、深坑沥 430米）、聂高信山（430米）、中狗牙岭（428米）、牛耳石山（425米）、小马山（424米）、吊灯笼（416米）、鹿巢山（414米）、馒头墩（413米）、枕田山（411米）、牌额山（409米）、大枕盖（408米）、鹿山（407米）、女婆山（399米）