【我不怕唱歌】“小酒窝”女生跳得仲唱得　洪卓立：佢唔靓又好矮

方力申：佢唱到出晒汗㖞！
洪卓立：佢唔靓的，好矮，跳舞比我差...但我唔知边个！
啲反应咁有趣，究竟今次主角系边个？
摄影：黄国立　许栢伦

《我不怕唱歌》第四集，今集主角年纪轻轻已经出道，更是人气组合成员，以青春见称，即使组合已经解散，但成员们各自找到自己的发展。出道多年的她，圈内人缘甚广，但她的年龄仍未到“29+1”，最标志性的，可能就是她面上的小酒窝，不过，方力申估唔中，就连卫诗雅，都猜错！

今次的主角，拣选了容祖儿的《还未》，她坦言：“我由细到大都系拿容祖儿的歌来唱，虽然《还未》系Side Track，但这是我最喜爱的5首歌之一，我好钟意舒文做的歌。”对于唱别人的歌，她又坦言：“永远都系别人唱了一个版本，很容易会跟左她的唱法，与自己歌好唔同。”喜欢容祖儿的现役歌手，就是前Hotcha成员，Regen张惠雅。

Regen真系好活泼，在街上随意摆出多种有趣动作。

多谢陆永

“组合时有分担易唱好多，跳舞歌唱成首歌，独唱差好远，以前hotcha时都唔够气，3个人一齐做冇进步，依家自己出道，好清楚自己有咩问题，知道有咩唔好会改，其实有人觉得跳唱的人唔唱得，初初有小小唔开心。”

不过Regen一直有练唱歌，练练下，总算有稳定水准。“依家唱live稳定好多，初出道live唔稳阵，停左2年冇做嘢，再出live水准麻麻，开始系咁练咬字等等，有些进步，好记得一次在tvb录节目，我又拣左《逃避你》，陆永彩排时听到我唱就话，‘你唱歌原来都ok㖞’，我好多谢佢，我其实好感动！”

对Regen来说，跳舞容易，但唱歌反而困难。“唱歌最难系集中力，我系集中力劲低的人，好容易会放空自己，以前录歌经常被监制闹，唔够专注力真系差好远。”虽然唱歌困难，不过自从Regen独立发展后，歌艺的确进步神速，现在更与旧公司“分手”，大小事务要自己处理。“呢间公司始终系大公司，有啲嘢去支持你，帮你顶住，自己一个乐观啲谂系现在更自由自在，我本身钟意自由，依家要处理好多行政嘢，我唔识呢啲嘢，类似Invoice”。

没有公司做Back up，又会唔会害怕呢？“恐惧又冇，只是觉得系新开始，觉得自己要想清楚想点，我好钟意唱歌演戏，自己依家做左十年好多嘢都试过做过，但乜都半桶水，我一直都好想跳舞，但又试过抑郁，我觉得导致我对本身钟意的东西热情减低好多，慢慢开始提醒自己最爱是什么，好想将跳舞唱歌演戏再专注一些！”