【多图】30岁乐瞳决心回归乐坛　畀3年限期自己：冇起色会转行！

大台小花乐瞳，上星期已与合作多年嘅TVB结束宾主关系。早前乐瞳接受《香港01》音乐组Bingo访问时表示：“我系歌手出身，就算签tvb经理人合约，我都系想做歌手。”至于问到将来去向会不会以做歌手身分为先，乐瞳表示：“其实现阶段有几间公司都表态想合作，佢哋都想以帮我出唱片为主，但除咗唱歌当然会有其他配套，佢哋都想我拍电影，都会想帮我打入内地市场。现阶段我想真空一段时间，好好谂清楚每一个决定，唔想随便签公司。我觉得选公司好似选男朋友一样，唔可以随随便便，因为哩一段关系将会维持三年。我依家30岁，所以我会再比3年限期自己，3年后我想成家立室，如果3年后我事业冇起色我会选择转行。”

乐瞳：我真系无特登要去“钓金龟”，旅行都系一人比一半

乐瞳初出道就被网友选为“宅男女神”，除了样子甜美可爱，仲曾经被记者影到出街打扮平民，钟意街边“笃鱼蛋”，出入坐公共交通公具等。但近年乐瞳自拍拖后，多次被指情迷富二代，忽然富贵，频频外游，又钟意喺社交平台上炫富等，慢慢被标签为“拜金女”，对于种种报导嘅指控乐瞳表示：“其实我有时睇到哩啲报导我都几唔开心，见到网上有啲中伤，负面留言，不实报导令我谂，点解要针对我，我系自己赚自己洗嘅人，有人将赚到嘅钱去投资，买楼，我只不过选择去多啲唔同嘅地方，想见识唔同嘅野。至于有好多报导话我“钓金龟”，我真系无特登要去“钓金龟”，我唔会睇男仔系咩背景，我觉得识男朋友最紧要佢真心对我好，我哋一齐开心，合适嘅先可以一齐。我记得之前有报导写我同一位金融财俊拍拖，，其实佢只不过系一个普通嘅打工仔，我哋食饭好多时都系AA制，有时系你请一餐，我请一餐，我哋去旅行都系一人比一半。其实我都系一个普通嘅女仔，都希望有一段平凡嘅爱情，我希望同我另一半可以公一份婆一份，我都好希望同当时嘅男朋友可以行落去，我希望大家唔好再误会我，我唔想拍拖系一种错。”

“点解我成日去旅行，好似食好住好，其实系因为我身边嘅闰蜜，佢哋都系事业有成，一个系Banker，另一个系一位音乐人，佢哋好识得做生意而且都识好多人，所以我哋成日一齐去睇骚，去旅行，而佢哋又有能力而且愿意花钱去享受生活，所以我有时都会同自己讲要做一个女强人，因为我身边嘅闰蜜都好优秀令我有推动力去进步。”

其实睇下乐瞳社交平台上的生活照，都依然“仙气”十足。

“我好想狠狠地反驳一次”

“我曾经因为哩类报导而唔开心，我好想狠狠地反驳一次，不过刻意去澄清又有咩用，因为下一次嘅报导又会写唔好嘅嘢。我可以做嘅就系尽量低调我嘅感情事，因为近年嘅报导真系令身边男性朋友对我却步。”乐瞳语带无奈说。