乐瞳做歌手惨变演员挨10年　离巢TVB：我唔想以甘草演员身份走

曾经被誉为“宅男女神”的大台小花乐瞳，昨日（6月14日）约满TVB。入行10年的她曾经因为在《点解阿系阿SIR》中饰演反叛女学生得到大家关注，人气急升的她获封为“宅男女神”，又曾经获得“飞跃进步女艺员奖”及“搜寻人气急升电视艺人奖”等，虽然网络人气不俗，始终在大台从未“担正”直到约满结束宾主关系。

“我其实系想做歌手”

最近约满TVB离巢的乐瞳，好多人误以为她是一位电视台艺人，其实乐瞳初初是以歌手身份出道，近日与合作10年的TVB结束宾主关系的她，接受《香港01》音乐组史顺宜bingo访问时表示：“其实我由入行开始一直都是签TVB经理人合约，我入行的目标其实是想做歌手，就算签TVB经理人合约，我都是想做歌手。当时我好好彩可以签TVB经理人，但是同时去做歌手，顺利出自己的唱片。不过后来拍完《点解阿系阿SIR》后得到更多拍摄机会所以一直都是拍剧为主，虽然之后签约星焕唱片（星梦前身），但因为好多拍剧机会timming唔夹，所以慢慢变成一位演员，我当初其实是为做歌手而做一位演员，不过拍剧其实我都好满足，好多人因为我拍剧而认识我。”

我系TVB都做到“滑牙”

问到当初乐小姐有无挽留时她回应：“乐小组同艺员部一直都有同我倾续约，因为我觉得条件上唔系好适合，哩十年我一直都想转换一下环境，出去呼吸一下新鲜空气，其实我系TVB都做到“滑牙”，拍剧成日都做人“阿妹”好似无乜突破，所以我觉得自己都学够野，系时候出去行下，想试下唔再在系TVB management睇下会唔会有变化。唔可以话挽留嘅，大家都系好理性咁去倾，点样可以令我嘅发展更加好。我同乐小姐面谈过一次，佢嘅意向都系想我留系公司，佢觉得我要唔好再局限自己工作嘅发展，应该要上进，要学识系工作上挣取机会，同埋唔好做人咁“安逸”（被动）。我听完佢哩番话我都有所领悟，于是我谂咗一段时间先有今次哩个决定，我觉得我攞住tvb哩份人工我系过到活，但系我做唔到我想做嘅野，所以我唔想再哂自己啲时间，如果我喺哩个moment（时候）我走，起码大家会记得我乐瞳，有印象我喺好多剧集都做过其他人“阿妹”𠮶个，但3年后我走，到时我唔想以甘草演员身份走。”

乐瞳虽然入行10年，但外形真系十年不变，依然童颜。（睇下图）