周柏豪演唱会尾场　完美自抽：我细细个已经对玻璃杯有浓厚兴趣

周柏豪于红馆举行一连三场的入行十周年演唱会《One Step Closer Pakho Live 2017》尾场，获许廷铿、郑欣宜、吴业坤、胡鸿钧、何超莲、JW、连诗雅等到场支持，全场爆满。甫开场，柏豪在台中升上来，并自弹自唱出《同天空》，唱到第二首歌《自由意志》时，观众已火速进入状态，High爆站起为柏豪欢呼。

换上 闪闪西装的柏豪唱出《怒花》，他表示:“有依首歌嘅原因，系因为有一班人之前喺一个Studio到认识嘅，𠮶个Studio叫 NOVA Studio，但呢个Studio之前要拆，佢哋好有心，就系呢个Studio拆之前最后一晚，喺呢个studio写咗呢首歌。”接着柏豪笑言成日都话自己“几好命”，但没有大家在身边几好命也没用：“除咗大家喺身边，仲有一个朋友一直都喺到，呢个朋友，食饭睇戏都喺到，甚至一齐瞓同一张床，想同大家介绍呢个朋友。”欢众一听到“瞓一张床”就以为柏豪想要介绍新婚的太太，点知柏豪接著唱出《小白》和《相安无事》，其实是送给爱猫小白的一Part。

柏豪坦言准备演唱会的时间只有两个月，曾一度想放弃，但见到预订情况很好，就觉得一定要用这20几天的时间好好准备自己：“第一场时我知自己做得唔好，好长气，好多嘢讲，第二场都未做得最好，今晚出场前同自己讲要将最好最好嘅周柏豪摆喺你哋面前，就算回家未觉得最好，我应承自己，将来会将最好嘅柏豪畀你哋见到。”随后的一Part是劲歌热舞的部分，甚少跳舞的柏豪在台上大晒舞技，仲跳得有板有眼，跳毕后他笑言：“我觉得我之前浪费晒啲时间，都跳到舞啊，OK啊？喺台上面挑战下自己，呢个都系我人生嘅宗旨，不断进步。”

柏豪再次现身时换了一队用小朋友乐器的“乐队”，他笑言:“细个老师已经教玻璃杯装住唔用份量嘅水会有唔同嘅声音，所以我细细个已经对玻璃杯有好浓厚嘅兴趣。”这句摆明自抽之前的水杯潮文，柏豪靓抽!