张敬轩邀Tyson Yoshi 泳儿做演唱会嘉宾　观众叫除衫做圣诞礼物

张敬轩的《The Next 20》第四场演唱会于昨晚（26日）Boxing day举行，轩仔再派大礼，请来Tyson Yoshi 及泳儿（Vincy）任嘉宾，观众一晚拆两份礼物，加上两度安歌，非常开心满足。

轩仔介绍Tyson Yoshi时，直言他们的相遇很奇怪，“我系访问佢嘅人，佢𠮶日仲激嬲我，竟然同我讲，细细个就听你个首《孤单公园》㗎啦 ！之后我胆粗粗问佢，你来做我嘉宾好唔好？”现场歌迷已经醒目估到系Tyson，顿时欢呼四起。Tyson带住支大形玩具枪上台，一上来就向轩仔发射，十分顽皮。轩仔想抢枪报仇，但因为唔识点开枪而失败。

及后，轩仔口渴问工作人员攞水，料不到系攞出Tyson近日半裸爆肌代言的冰凉水，饮完一啖笑住话：“嗯，几好味。”Tyson笑到唔识反应。轩仔又话：“为咗你，我特登去买左呢个牌子水饮吓，我系香港咁耐，未见过有个裸男卖广告 ，今日Boxing day… 你著件T上来，系咪准备比我拆礼物呀！” 观众随即起哄叫Tyson除衫，Tyson就跑过去拉轩仔外套上面的打结，轩仔表示：“你似拆礼物多啲㖞......”他又开玩笑地呼吁大家，不要相信饮下Tyson代言的水后会丰胸，非常搞笑。

张敬轩询问Tyson，“你话细细个钟意我，究竟几细？你咪乱讲野呀......”Tyson惊惊青青答：“中......中......中学，小学个阵你未入行 .....”轩仔听后非常满意：“嗯！你小学我未入行，讲得好有前途！”Tyson回答：“多谢大佬，多谢大佬。”轩仔话：“你讲咩话？好啦，咁我收你做𡃁。”

讲到歌，Tyson不停狂赞轩仔首《孤单公园》系劲到冇人有，“我以前谂，如果要做广东歌，一定系《孤单公园》咁，当我知呢首歌系你有份编曲时，哗，我简直对你尊敬直线上升！”轩仔感谢谓：“咁我交个台比你啦，前𠮶几晚你个正印嚟咗，今晚轮到你施尽浑身解数！”Tyson随即向观众挥手说道：“你好，我系Tyson Yoshi！今晚厕所位！”现场再次欢呼四起。Tyson说：“有人话我正印系林家谦， 𠮶晚我谂，我上台唱咩好，我女朋友即冷笑一声，咁我唯有唱《Christy》啦！”随之而献上《Christy》比大家。

安歌后，轩仔又为大家送上另一份礼物，请来泳儿出场，与他合唱平日极少公开场合演唱过的《石径》。轩仔表示：“今次写演唱会Rundown（流程） ，发现好多歌，咁多年都系唱得个一次半次，既然系圣诞节最后一晚，想唱一首未唱过的歌，但呢首歌一个人搞唔掂，想揾佢来帮我，我同佢好有缘，2005 年旧唱片公司人事变动，我被投闲置散，宣传录音又少，冇收入，恩人周国丰，叫我去做港台节目，一份工做DJ，一份 TVB 8 频道做 VJ报娱乐新闻， 𠮶段日子好难忘，系港台返工第一日，就收到呢位歌手第一只派台碟 《感应》！欢迎我嘅特别嘉宾Vincy，我嘅小师妹。”

泳儿上台已眼湿湿地说：“多谢你，台下面听你讲，我已经好感触。 我第一只派台碟系你手，我冇乜人识，第一个小小演唱会，你都愿意来帮我做嘉宾......”轩仔为泳儿抹泪并鼓励她说道：“每个人都系由一张白纸开始，只要肯努力，听众耳朵系雪亮！你一定会有好成绩！”

同场加映

姚焯菲Boxing Day拆粉丝礼物　收印有自己样公仔惊呼：有啲样衰

点击睇Chantel Boxing Day直播：