监制Edward Chan称无控制姜涛录音情绪：喺合适范围入面畀佢发挥

MIRROR成员姜涛近日推出今年第二首个人单曲《Dear My Friend,》，将新歌献给已故挚友阿Kin（花名：中峰），早前姜涛亲自解释MV中出现的各种密码，并解释信中内容。记者再邀请到新歌监制Edward Chan（陈浩然），除透露今次录音上的细节外，更解释为何会选用林奕匡（Phil）的作品。

录音前情绪已受控

由于新歌与挚友中峰有关，不少乐迷都对姜涛录音时的情绪感到好奇，究竟他在过程中会否唱到喊？Edward透露姜涛在录音之前指已经控制好情绪，及后也不须花时间安抚对方情绪，自己也没有刻意要姜涛投放适当情绪，只在一些细节上作出指导：“例如系咬字问题、分句、呼吸等等，或者系一啲唱歌声线上嘅选择，关于一啲音乐性嘅嘢，我哋都会有好密切嘅沟通，反而我冇刻意喺情绪上面做一啲指导，只系一路观察住佢嘅状态，欣赏佢嘅表现，控制佢喺一个合适嘅范围入面，之后就畀佢发挥。”

睇中Phil性格亲自邀曲

在歌词部份，早前林若宁也公开过姜涛写给他的千字文，而在旋律上，Edward就看中Phil的性格特点，在收集Demo期间亲自邀请他，希望对方在百忙之中抽空，再与姜涛合作：“收歌途中，我都要为林奕匡准备演唱会同新专辑录音，有一次我叫Phil帮姜涛写首歌，我都知佢好忙，于是叫佢抽到时间先再睇下有冇机会。可能系Phil性格缘故，我觉得佢嘅旋律有一种好强烈嘅亲和力，旋律听起上嚟感觉到𠮶个走向有一种纯粹嘅感觉，我觉得呢一种听出嚟嘅感受好适合姜涛，用嚟做关于呢一个主题嘅旋律。”

陪伴歌手渡过情绪波伏

除了姜涛，过去Edward曾为一些歌手录制有关自身故事的歌曲，也遇过他们情绪爆发的时候：“例如薛凯琪系对情感好敏感嘅一个艺人，歌词嘅内容、画面等等嘅刺激，都会引导佢情绪嘅爆发，所以录音嘅时候都见过佢比较激动嘅时间。”问到这类型的作品会如何处理，Edward指因应性别、性格而有不同，但都离不开陪伴：“𠮶个位置我都比较冷静，最紧要系陪伴佢哋经过情绪起伏，就算佢哋情绪唔爆发出嚟，郁住喺入面有时都唔系一件好事，等佢哋情绪抒发咗之后，佢哋都会容易啲回归返去一个比较理性嘅状态，通常都系理性之中带点感性，令佢哋可以继续录音。”

点击图辑睇MV精彩镜头：

更多关于《Dear My Friend,》文章：

姜涛亲解新歌MV密码　机场取景与挚友有关：起初仲想拍埋飞机起飞

姜涛新歌《Dear My Friend,》献猝逝挚友　带篮球出席丧礼最催泪

姜涛新歌献已故挚友　填词人林若宁公开对方千字文：让我悲痛欲绝