姜涛亲解新歌MV密码　机场取景与挚友有关：起初仲想拍埋飞机起飞

“MIRROR夏日企划”昨日（6/8）轮到姜涛接棒，推出今年第二首个人单曲《Dear My Friend,》，早前他已经预告过，希望将新歌献给已故挚友阿Kin（花名：中峰），作为给对方的最后一封信，他指：“《Dear My Friend,》系为咗纪念一位离开咗嘅朋友，歌名亦都系我谂嘅，好想话畀大家知，呢首歌系专属于佢；希望大家听歌嘅同时，可以望下身边𠮶位最亲近嘅人，好好珍惜佢哋。”

虽然姜涛一早有用作品悼念好友的念头，但他坦言起初不愿面对好友离世的事实，一度采取“拖字阙”，加上一时三刻难找到自己心仪的样本歌曲（Demo），因此在选曲上花了很长时间。谈起今次继《孤独病》后再与林奕匡（Phil）合作，他指：“最后听到林奕匡写嘅呢只歌，一听就有命中注定嘅感觉；至于填词方面，因为林若宁老师系一位好擅长描写故事嘅作词人，所以我同监制Edward讲，方唔方便揾林老师听下我呢个故仔，睇下佢有乜感觉，然后就促成呢件事。”

在昨晚推出的MV，姜涛在机场、篮球场、九展Star Hall等地方拍摄，而他与绝大部份观众一样，最深刻的就是在灵堂读信的一幕，就连自称哭点高的他也泪洒当场，令一众“姜糖”非常痛心。而令观众好奇的是，究竟姜涛手上的信写了甚么，令他不禁落泪？他解释导演Sheng和Maggie本来希望自己亲手为这位挚友写一封信，然后在灵堂读出，但最后信纸上竟然一个字都没有：“我写唔出，因为我有太多说话想讲，所以我建议乜都唔写，由得我自言自语。因为呢段时间好忙，我想藉著呢个机会，同佢好好倾偈，所以封信只系道具，其实喺MV入面我都系同佢分享我嘅近况、佢屋企人嘅近况，讲讲下就喊咗出嚟；另外因为制作组预备咗一副假棺材，完咗𠮶场戏之后，我都一直望住个棺材系咁喊。”

至于姜涛在MV中拿著篮球，导演认为二人少年因篮球结缘，为纪念识于微时的珍贵友情，决定加添篮球元素。而在机场取景，姜涛也亲自解释个中原因：“因为我呢位朋友系做飞机维修师，所以我哋突登喺机场隔离拍摄奔跑场面，起初仲想拍埋飞机起飞，寓意佢嘅离开，可惜最后因为落雨拍唔到。”提到MV后段以卡通形式呈现好友，营造二人在篮球场对望的画面，姜涛坦言：“真系根据佢嘅衣著打扮嚟塑造，对我嚟讲感触好大，虽然我唔知佢依家系以乜嘢形式存在，但系我希望佢可以喺呢个MV出现，我相信当下我系同佢对视，亦都希望佢睇完之后可以安息。”

点击图辑睇MV精彩镜头：

更多关于《Dear My Friend,》文章：

姜涛新歌《Dear My Friend,》献猝逝挚友　带篮球出席丧礼最催泪

姜涛新歌献已故挚友　填词人林若宁公开对方千字文：让我悲痛欲绝