谷娅溦出道5年挨过低潮首度出碟极感慨：有一年我系消失咗零收入
撰文： 叶诗
出版：更新：
谷娅溦（Vivian）周六（22日）举行新碟《哭墙》见面会，获星梦CEO何丽全现身撑场外，更邀得好友吴业坤（坤哥）及罗天宇到场支持，提起坤哥怕绯闻不敢二人单独外出吃饭：Vivian胆大指：“佢惊咋我唔惊，我好清楚自己唔系想同佢炒绯闻，我只系想多谢佢，简简单单请佢食餐饭，佢好惊，我就完全唔惊，我一话请佢食饭就问有边个，我好坦荡一啲都唔惊。”
Vivian透露这是她自2016年出道5年才有机会出第一张专辑，感受甚深：“其他歌手可能一年就做一张专辑，我用咗6年时间去储歌做一张专辑，真系用咗好多心机同心血。”苦尽甘来的她忆起出道初期的辛酸：“2016年啱啱出道做新人，出咗第一首《安守本份》之后评价唔系咁好，然后公司就决定2016我就冇得做新人，都系我咁多年最遗憾嘅一件事，始终冇资格再做新人；2017年重新录过做《使徒行者2》插曲，大家都见到我嘅努力、广东话准咗85％，反应好咗但我都系继续冇嘢做，都系我最难挨、最低谷嘅时候。”
+11
Vivian续言：“2017年《使徒》播完之后，2018年我系完全冇开过工、消失咗、完全零收入，所以我选择𠮶一年离开香港去读书；（收入来源？）唯有靠屋企，屋企畀咗好大嘅支持我，但又唔太敢同佢哋讲自己失业、冇嘢做，只系好婉转话想去读书，爸爸一听到就全力支持。”Vivian直言那时有过想放弃念头：“当时情绪太差，系人生中最低谷同最自卑嘅时期，觉得自己乜都唔得、呢条路行唔落去先去读书。”