【容祖儿演唱会】李克勤带一家大细撑场　做嘉宾不忘为歌迷谋福利

容祖儿《PRETTY CRAZY》红馆演唱会进行得如火如荼，来到昨晚（9/8）第五场时，Joey便邀请到合作无间的老朋友李克勤，二人先后合唱了《月半小夜曲》和《刻不容缓》，相识多年的他们，在台上打打闹闹、唇枪舌剑的斗嘴大骚好交情。

李克勤才刚从升降舞台中出场，Joey便兴奋得跳过去击掌，以感谢好友为她当嘉宾。在唱毕第一首合唱歌曲《月半小夜曲》后，克勤立即说：“我真系首先要恭喜咗你先！”祖儿语带笑声回话：“我真系恭喜你呀！”克勤续言：“因为呢个演唱会真系无得顶，我只眼系未停过！好忙呀！呢度又发生紧一啲嘢，𠮶度又发生紧一啲嘢，上面又发生紧一啲嘢……”大赞Joey演唱会舞台设计和效果真的不简单，更感叹从未听过舞台设计师人工比歌手更高，正经不过三秒便继续开玩笑：“我觉得佢𠮶个灵感、𠮶个艺术品呢，一定系嚟自我哋嘅蚊香！”语毕，顿时让Joey哭笑不得，跺脚大呼：“乜嘢蚊香呀！有冇搞错呀！”逗得全场歌迷笑声不断。

克勤炮火猛烈，分享完对舞台设计的见解后，便开始为歌迷谋福利，Joey殊不知又堕进另一个陷阱。“我觉得你所有嘢都系为咗观众好，观众系有福嘅！但今晚第五场嘅观众就唔够第一场嘅观众有福啰！”克勤一句话，又让Joey不解直问：“点解呀？”克勤解释说：“第一场个班又可以留返票尾睇多场！”随即引起全场歌迷起哄认同，“第一场嘅观众因为机件故障，所以睇唔到一啲嘢，就可以睇多场！”Joey激动说明当晚情况：“成个台喺下面冇升过上嚟呀！”但克勤坚守己任，继续本份：“咁你会唔会觉得对其他17场嘅观众唔公平呀？”一句话既让Joey目瞪口呆大叫“黐线”，又不知从何开始解释，同时亦让全场歌迷陷入疯狂。

克勤完全黄子华上身，继续手舞足蹈的自顾自说：“咁系呀嘛！咁你发生故障又睇多场，咁我头先去男厕一个厕格，个冲水都发生故障啦，咁今日系唔系又可以睇多场呀？”然后更贴心为Joey提供解决方法，“不如咁啦，我唔知你点样搞啦，但起码今晚可唔可以唱夜啲呢？我知你仲有好多歌都未唱嘅，我就唔知你点收科，但总之今晚星期五晚，大家都冇咩做。”暗示Joey要识做，让她激动对他说：“你点可以手指拗出唔拗入！”闻言，克勤便原地一跳，摊手一问：“做咩手指拗出唔拗入呀？我而家系为各大观众着想咋啵！”让Joey无奈地连声说好，想打马虎眼呼咙过去，可惜克勤继续穷追不舍：“咩睇下点！我会喺度睇到最尾先走，你唔好唔唱呀！”Joey便弱弱回击：“系呀系呀，你睇到开灯先好走呀，唔好又话要赶住返去凑仔呀！”最强克勤又怎会被击倒，便立刻说：“我带晒全家嚟睇呀！”

最后，原本二人合唱完《刻不容缓》便齐齐落台，但克勤过于心急加上灯光昏暗，便不小心企错在升降台边口位，险生意外，幸好Joey见状立刻快步上前把他拉住，自己更差点被绊倒，“行错路啦你……差啲！呢度降你落去呀，阿哥！”幸好最后也平平安安，完美演出！