张敬轩又一癫丧之作《Pretty Hungry》　实测升两度似唔似容祖儿

撰文： 彭嘉彬
出版：更新：

要说当代才华最被浪费的音乐人，深信香港也非张敬轩莫属。好端端的一位喜剧大师，扮乜似乜，既有KOL触觉又有雌雄同体的特点，却因热爱音乐而严重耽误其搞笑生涯，还不经意夺得好一堆男歌手大奖。

有留意张敬轩社交平台的话，不难发现张敬轩潜藏著一种搞笑基因。不时丑化自己，又恶搞人哋。 (张敬轩Facebook图片)

近日怀疑其“痴线基因”再度爆发，先后几日发怖恶搞片段到个人社交平台，张敬轩继5月1日与DJ当奴恶搞“你有咩问题？”影片后，昨晚再突袭式推出恶搞容祖儿二十周年演唱会主题曲《Pretty Crazy》的MV，化身“冤枉娱乐”新人“火龙果”，二次创作出《Pretty Hungry》。

其实在今次以“火龙果”身份现身前，张敬轩亦曾以乐坛天后“降两度”的身份示人。皆因把不少女歌手的声线降低两度，就正好似是轩仔的歌声，故以得名。今次《01众乐迷》亦实测一下，到底把今次轩仔主唱《Pretty Hungry》调高两度，又是否真的跟Joey的歌声相近？ (影片在文章顶部)

上星期与DJ当奴推出“天才游童2019 - 新加坡篇”的先行预告，恶搞巴士司机“你有咩问题”事件，被网民大赞抽水抽得快。 (张敬轩Youtube影片撷图)

今次轩仔二创出《Pretty Hungry》，并非单纯改词咁简单，更以“Low Cost Cosplay”形式拍MV。《Pretty Hungry》MV入面有四个造型，轩仔话佢最爱嘅系一套用胶袋堆砌而成嘅服装，“虽然胶袋唔环保，但系我哋其实可以将佢废物利用，好似呢套胶袋衫咁，造出嚟之后，其实真系靓㗎㖞，我觉得呢套衫真系好出色。”除此之外，另一个零食造型系为轩仔度身订造，原来因为唱片公司团队同事觉得轩仔太为食，所以除咗将歌词改为“Pretty Hungry”，更特登为佢做咗一个零食背囊，轩仔笑住话：“同事真系好有心，背囊上面全部都系我钟意嘅零食，当中有我平时半夜直播食嘅，不过我觉得个背囊太靓啦，真系唔舍得食，所以决定之后将背囊送俾歌迷。”至于点解钟意玩“low cost cosplay”？轩仔认为咁样先系二次创作嘅精粹，“咁样先体现出低成本制作出嚟嘅作品都有好嘅效果，同埋更加激发到创意。”

昨晚又推出恶搞MV《Pretty Hungry》，扮演容祖儿似模似样。 (资料图片)
点击大图睇更多张敬轩“精采”造型
+7
点击观看睇埋完整影片同拍摄幕后花絮！
【睇骚神器】手灯萤光棒都可以悭返　新App环保方法造出变色灯海【五月天演唱会】预早一个钟到场有著数　场外攻略一文睇晒！