【五月天演唱会】预早一个钟到场有著数　场外攻略一文睇晒！

撰文：彭嘉彬

出版：2019-05-03 19:42更新：2025-02-12 11:25

又到了五月之约，《Just Rock it五月天2019蓝 - 香港站》今晚正式在香港迪士尼乐园幻想道露天场地举行。第二年在迪士尼举办演唱会，深信不少五迷经历过去年体验，已做足准备才出发去迪士尼。不过今年的纪念品摊位有什么买？周边设施比去年又有否改善？一文立即睇晒！摄影：陈顺祯

又到了五月之约，《Just Rock it五月天2019蓝 - 香港站》今晚正式在香港迪士尼乐园幻想道露天场地举行。第二年在迪士尼举办演唱会，深信不少五迷经历过去年体验，已做足准备才出发去迪士尼。不过今年的纪念品摊位有什么买？周边设施比去年又有否改善？一文立即睇晒！

摄影：陈顺祯

与过往演唱会一样，一行出迪士尼站便可以看见指示牌，为入场观众分流，睇清楚边个方向买纪念品同食物，边个方向先系入场！ (陈顺祯摄)

比上年更贴心，唔洗行到去美食摊位就睇到有咩小食买，价钱一览无遗！ (陈顺祯摄)

小食亭除咗热狗套餐，仲有生啤卖！睇Rock骚梗系越High越好！不过要留意，虽然可以带饮品入场，但系唔可以带铝罐同埋玻璃樽装入场！ (陈顺祯摄)

除咗迪士尼嘅小食亭外，其实旁边仲有2架美食车。记得上年嘅美食车连饭都有得食，今年转咗做汉堡车，主打肉丸同汉堡包。(陈顺祯摄)

而另一部美食车就主打烧卖同饭团，价钱比较相宜，仲有杯装雪糕o添！ (陈顺祯摄)

记者试食咗一个牛肉汉堡，售价$69，味道尚算不错。份量虽然唔算太大，不过入场前医肚就方便又快捷。 (彭嘉彬摄)

去到重点嘅纪念品售卖处，正正喺小食亭隔离，不过由于人龙不断，大概要排15-20分钟先可以进入摊位，想买纪念品记得早一个钟到场！(陈顺祯摄)

不过如果你净系想买萤光棒，摊位亦有贴心安排，分流买另一条只售卖萤光棒嘅柜位，记得准备好散纸，因为不设找续。 (陈顺祯摄)

排队等买纪念品嘅同时，工作人员都会好贴心提供纪念品小册子，一次过睇晒有咩纪念品！(陈顺祯摄)

除咗Tee之外，今次大会仲有一系列不同产品。怕落雨就买遮，怕热就买风扇，怕比人传染…咪买个口罩啰。 (陈顺祯摄)

最吸引五迷嘅周边产品，应该就系“五月天扭转命运第五分队纪念套币”同埋“人生无限公司演唱会转眼全纪录”。 (陈顺祯摄)

嫌自己嘅行装太大件，想轻松入场睇骚?入场前可以喺行李寄存放低自己嘅行李。每件$130，上年好似只需$110… (陈顺祯摄)

沿路行返去迪士尼正门，米奇老鼠门牌已经成为乐迷嘅打卡圣地。 (陈顺祯摄)

同大家讲下厕所位，虽然演唱会场内设有二百几个临时厕所，不过想舒服享受自己嘅厕所时间，最近就要行返去幻想道巴士站对出嘅洗手间。 (陈顺祯摄)

因为一般女性去洗手间所花嘅时间较长，所以幻想道原本一男一女嘅洗手间全部都改装成为女洗手间，方便女乐迷需要。 (陈顺祯摄)

男乐迷唯有去隔离嘅临时洗手间… (陈顺祯摄)

偷偷地讲个秘密你知，如果去厕所唔想排长龙，其实仲可以行远少少去返迪士尼正门售票处，分分钟仲快过你呆等！(资料图片)

行到去演唱会正门入口，记得温熟入场守则呀!仲要预留时间Check袋入场，想准时入去睇骚?都系𠮶句，早一个钟到啦！(陈顺祯摄)

下载《香港01》App，打开App首页，揿“＋”选取“01众乐迷”做你嘅“已选频道”，每日都睇尽【01众乐迷】精彩内容啦！