【郑秀文演唱会】50岁前最后一骚? Sammi：有信心今次歌迷买到飞
撰文： 彭嘉彬
出版：更新：
Sammi郑秀文为7月的《#FOLLOWMi世界巡回演唱会香港站》举行记者会，有加开两场好消息之余，亦强调希望乐迷能以正价购得门票。接受《01众乐迷》访问时，她表示：“乐迷唔洗太紧张，今年我哋将公开售票嘅额度提高咗，深信大家买飞嘅时候会感受到比以往容易咗。”除了公开购票的门票数量增加，其实Sammi亦特意为歌迷会的成员预留了足够门票，效果令她相当满意：“我知道好多歌迷对今次安排都好开心，因为最起码保证到佢哋睇一场演唱会。但总会有零丁几个会觉得唔满意，但可能我都真系冇办法顾太多。”
提起早前在网上直播练歌，她表示自己对上一次开骚失声有一定程度阴影，故此要做好准备：“其实每日练声系好重要，亦唔可以大嗌大叫，我大概已经练咗一个月，会持续到开骚为止。饮食方面因为我一向都钟意食生冷嘢、炸嘢、饮冻饮，而家尽量戒清啲。”
最近Sammi亦在社交平台上示意自己完成今次演唱会后，可能要到50岁后才再开骚，她笑说：“你哋唔好以为我距离50岁好远，其实只系得3年时间左右。其实今次演唱会胆粗粗开13场我已经有啲惊恐，因为怕体力应付唔到。但之后要好近距离再搞演唱会，又要咁多场数，我谂机会比较细，年纪大啦。另外都希望每次搞骚可以多啲新鲜感，如果搞得太密可能都唔会咁好睇。”