【方大同演唱会】首次公开Rap广东话　农夫：好有谭仔嘅风味！

方大同在刚过去的周末举行《方大同TIO灵心之子巡回演唱会-香港站》，于红馆完成两场演出。除了重温大同Soul味浓的作品外，每晚不同嘉宾也引起演唱会的高潮，尤其在星期日的尾场，方大同邀请了农夫当嘉宾，原来他们已经认识了14年，可说是乐坛中的好友。三人同台合唱，大概没人想像到唱的竟然是《风生水起》。

一曲过后，农夫笑指方大同是“世界上Rap得最冷静嘅人”，陆永道：“真系对唔住各位，全晚咁有品味嘅演唱会，突然间嚟Rap一首《风生水起》咁低俗嘅作品。”C君又补充：“好似去食寿司，突然间攞个火锅出嚟要渌熟啲鱼先，不过其实系方大同要求唱嘅，佢嘅品味好怪，咁两极化。”他续道：“事源上年11月方大同去咗睇农夫嘅演唱会，睇完佢就问我哋可唔可以做佢嘅演唱会嘉宾。我哋当然话好啦，但问题系唱咩歌呢？大同就话：我要做麦玲玲！”二人更乐此不疲地笑指方大同品味“变态”。

三人难得同台，当然要唱农夫为方大同填词的《小小虫》，C君亦借此机会分享了一个小故事，他问观众：“你哋觉得方大同红过农夫几多倍？”席间有人回应：“形容唔到！”C君续道：“无得比系咪？我哋呢啲地底泥。一般听众认为一个歌星红唔红其实系好主观，但我哋呢啲创作人就有一个客观嘅衡量方法，就系睇下收到几多版税。”

陆永透露：“我哋农夫都写过好多作品，收收埋埋啲版税都有成几百蚊。”版税的计算方法其实来得直接，有多少人播过你的作品、多少人买你的唱片，自然就与版税成正比，C君表示：“农夫自己嘅作品系曲词自己包办，我哋系收两份版税，有一年我哋农夫出咗几首歌，收到张版税支票系得$180。而同年我哋帮方大同写咗首歌，仲要只系填词，冇份作曲，最后收到几万蚊版税，即使方大同红我哋几千倍！”

他们口中的作品，正是为方大同填词的《小小虫》，农夫又指：“其中一样好唔开心嘅系，写完呢首歌之后，冇人觉得系我哋写嘅，好多人怀疑我哋请枪，因为佢哋觉得农夫咁变态，冇理由写啲咁浪漫嘅歌。但我哋收紧$180版税，我仲有钱请枪嚟帮返我哋写？”最后他们再强调：“《小小虫》系我哋写嘅，再锋利嘅刀都有生锈一日、再变态嘅人都有柔情一面。”