【坚．词】梁栢坚填词玩得啜核　全靠八个字：吹你唔胀，估你唔到

“有时啲人会将歌词变成座右铭，咁样去‘毒害’人哋嘅人生系非常好玩㗎！”竟然有填词人想以歌词“毒害”听众？本著“吹你唔胀，估你唔到”这八字真言创作，表面玩世不恭，却又写出能打动你的歌词，他就是梁栢坚。
摄影：郑子峰

“试钟”、“弹钟”乃必经阶段：我试过冇原因俾人弹十四、五次　

虽然填词人这个行业如杀手一般神秘，但如各行各业一样也有试用期。梁栢坚当初因落酒吧认识Zarahn而入行，看似顺风顺水，但同样经历过“试钟”、“弹钟”的阶段。“我试一次首歌冇出到街，弹咗十四、五次，咁系一个锻炼嚟嘅。一来锻炼自己嘅心态，二嚟要揣摩监制想要乜。其实俾人弹得十几次，即系自己未得啰。”

话虽如此，但被拒绝总有原因，到底梁栢坚当时何故被弹十几次？答案实在令人哭笑不得：“衰咩弹十几次？衰新入行啰！佢都唔需要同你讲啲咩！”他引《喜剧之王》的剧情解释，导演将你“舞嚟舞去”，白鸽头向完左又向番右，最后取消拍摄，你却把手烧焦。“监制同导演一样，无X敌㗎嘛！不过之后咪学精对方想要啲咩，冇理由你想食饭我俾个面你㗎嘛！”

恶搞又得，认真又得，把尺要点摆？　“自己开心就得啦！”

就算你记不起梁栢坚认真的词作，也定必记得他的恶搞作品，事关久久他便会在社交网络上载改词，题材之广无奇不有，鬼马下流，政治民生，总之有feel就写。何以恶搞得如此得心应手？全赖自小训练：“十岁、八岁就开始改歌词，做咗几十年喇，哈哈！”虽然恶搞词多数无聊聊，但可以激发思维，有时要写正经作品前，他也会先恶搞一番“挞著副偈”。

恶搞词看似“与生俱来”的技能，那么他何时开始正经看待词作？梁栢坚表示全因林振强，他引林子祥的《丫呜婆》作例子，歌词反其道而行，告诉大家不要追靓女，要选择“丫呜婆”作对象。正当大家摸不著头脑，但又被林振强说得通，这正是玩味之处。“吹你唔胀，估你唔到吖嘛！哈哈！”

词坛“一蟹不如一蟹”？  　“呢样嘢冇答案㗎！”

“以前啲歌/词好啲啰，依家啲歌都唔知似咩！”相信大家都由长辈口中听过这番话，身为当代词人，梁栢坚又有何感受？“冇答案㗎！呢样嘢系永恒不灭，上一代总觉得下一代唔好，下一代总会觉得上一代食古不化。分分钟宋朝都有人话文天祥九唔搭八，大赞唐朝李白几X劲！”话分两头，对新一代词人来说，面对排山倒海的批评确实令人泄气，但总好过香港人不再谈论，变成个个都听K Pop，广东歌变得不值一提。不过讨论归讨论，栢坚也有一点提提大家：“善意批评冇所谓，下下老母就无谓啦，哈哈！”

创作空间被箝制？　“其实悬崖边系好远㗎，行出少少唔会死”

梁栢坚不乏谈社会议题的词作，尤其为乐队Kolor填写一系列“Law Of 14”作品可谓摆明车马，面对言论空间收窄，到处自我审查，他又会如何自处？“敏感呢样嘢，系个人自己觉得敏感啫。陈百强有首歌叫《一生不可自决》，苏永康有首《独立宣言》，其实流行曲用咩字都得㗎嘛！其实悬崖边系好远㗎，行出少少唔会死嘅，我觉得做咗先啦，唔需要谂咁多。”这就是创作可贵的地方，不是要大家每次也打“擦边球”，但趁尚有广阔空间发挥，何必在这一刻绑手绑脚呢？