【专访】每月支出六位数点开饭？ MastaMic：出卖灵魂我收得好贵
“每年都会唱Rap Up”、“Rap得好快”、“Hip Hop蒋志光”这些也许是你对MastaMic的印象，但你对他的作品认识有多深，是否因为《HK Rap Up》成绝响你才开始“怀缅”？
摄影：陈顺祯
即使去年《中国有嘻哈》在内地爆红，令Hip Hop曾经擡头，但现在内地进行封杀，Hip Hop也只沦为昙花一现的“潮流”。Hip Hop在香港还未能撕下“地下”的标签，虽然一直有人默默耕耘，但又有几多人了解及推广其背后的文化？
MastaMic也只能说一句：“讲文化嘢边有人听㗎，除非我系G-Dragon啦！”
某个前辈净系识X！
Hip Hop不只是音乐类型，也是一种生活态度，一种文化，但有几多人尝试去明白？或许是大家听到“文化”二字就却步，觉得定必是艰深复杂的事情；或者被某些人吓怕，MastaMic说：“某个前辈净系识得X，但佢冇话你知背后文化点样嚟，净系话你唔识Hip Hop！”
他续说：“其实我哋都系受欧美文化影响，做Hip Hop班人如果真系想多啲人认识，系要谂方法推广，而唔好将有兴趣嘅人拒诸门外，唔好揽住‘我好识嘢’个光环啦！”
所谓“Hip Hop文化”并非高门槛事情，MastaMic举一简单例子说：“波鞋兴起系因为Hip Hop，Air Force 1分‘Uptowns’、‘Downtowns’都系因为Hip Hop，但系冇人同你讲之嘛！”
想改变你就要红！
香港地就是一个“速食”的地方，身处乐坛想推动一个文化，前题就要变红，但成名后你如何使用这股“力量”就值得深思。MastaMic说：“啲人成日问我点解要Pop，要上主流，唔系因为要人认同，而系咁样啲人先肯听你讲嘢，背后个想法系点。”
他续说：“我唔系咁清高，老实讲我都想揾钱生活好啲啫！但同时间，你可唔可以用7成时间去揾钱，可唔可以用3成时间回馈个文化先？”
MastaMic举Kanye West作例子：“我好respect Kanye West，唔系因为佢潮唔潮，而系你睇番佢嘅制作，以佢个level开场show咩都冇，一个video wall，一个DJ，揸支咪就够啦，咁咪可以cap到最尽啰！但系佢冇，佢每场show都落足心机。”
“音乐工业”就好似卖牛河咁，你净系谂点解赚到最尽，但系你唔去谂提升食物质素，咁个生意点会做得好啫？
《中国有嘻哈》𠮶期好多客Call我，但系…….
相信不少人因为《中国有嘻哈》再次留意Hip Hop，因为“潮”吖嘛，不少广告客户都想食住个势，但似乎把事情看得太简单。MastaMic说：“《中国有嘻哈》𠮶期都好多客call我，但系佢哋又想平做到𠮶个效果，点做呢？”
MastaMic举一亲身案例：“有客户想几万蚊做只歌加拍MV，条数点笃呢？MC Jin同TT拍支付宝广告个set，喺香港一定过十万走唔甩啦！我唔系要吹捧《中国有嘻哈》，但人哋制作费讲紧讲紧亿亿声；香港仲有几多个单位，肯用多少少资源放喺Hip Hop上面。”
事隔5年再出碟，中间几年靠咩开饭？
MastaMic上一次推出专辑《流行反击战》已是5年前的事，到本月中才推出第二张专辑《MASTAPIECE》兼开音乐会；虽然中间那段时间有“挤牙膏式”出歌，但如何维生？MastaMic笑说：“对于出卖自己灵魂嘅嘢我都系收得贵㗎！”他解释：“我维生方法不外乎都系𠮶三只，做Featuring、做广告、做商业Show。我网上post嘢都收钱㗎，啲人唔知咋嘛，佢哋觉得我唔系KOL嘛！佢哋又知我收得平？”
玩音乐烧钱是常识吧！尤其MastaMic是Solo形式运作，任何制作都是自资，那月入多少才能维持生活？他透露：“要营运呢件事月入起码六位数字先叫稳阵。”
自资几十万开Show，玩大咗……
MastaMic 将推出新碟《MASTAPIECE》兼开Show，今次挑战旺角麦花臣场馆，他亦坦言担心票房：“我所有嘢都系大部份自资，Concert，出碟，成本真系好大，洗到成头泡！今次个场玩大咗，早知玩细啲啦！如果拣Music Zone我爆咗啦X！”
他续说：“其实我生活同普通人一样，见到钟意嘅嘢一千几百想买都可以；但系今次个Show几十万，如果卖得唔好，我蚀到仆X，仲边有资源做落去呀？真系有谂过收皮！”
我全部自资，已经唔系讲紧有冇心做嘅问题。如果今次蚀到仆X，有心都未必有力再做。
虽然MastaMic谂过“收皮”，任何事都要自资压力大到爆煲，笑言“身处绝境”；但做歌仍然有火。除了近期的《Fire》、《Not Afraid》之外，还有一些惊喜之作，想睇“剧透”同埋想睇MastaMic点样反击“Rap得快唔等如Rap得好”嘅批评，记得留意下一集报道！