【专访】拍剧上位唱歌要靠自己　胡鸿钧自嘲：唱得开心足够㗎喇

在香港当艺人兼顾歌、影、视是常识吧！假若你是一位歌手，但外界的声音只集中你的外貌，只讨论你剧集的角色，你又会如何面对？剧集《降魔的》令胡鸿钧人气急升，“石敢当”、“本尊”、“精灵”等等都成为他的代名词；剧集爆红前，大家只留意他的容貌，网民更mean爆称他是“刀削面”。胡鸿钧歌手的身份仿佛被这些声音淹没，但他却豁达说：“入得呢行食得咸鱼抵得渴，如果可以带欢乐俾人嘅话，何乐而不为呢？”

歌手身份被淹没？

当艺人自然想有人谈论，但外界声音总是批评，或者与音乐毫无关系，身为歌手的胡鸿钧如何调节自己的心态？他表示：“开头的确会唔适应，觉得我明明系唱歌嘅，点解要俾人评头品足呢？但慢慢就会接受，食得咸鱼抵得渴，要学识拥抱呢啲负面嘅声音。同埋有前辈分享过‘做呢行最紧要心脏够强大’！”

的确，再次面对“刀削面”的声音时，胡鸿钧能自若地面对，更试过自嘲是“7.0”，他表示：“讲真呢样嘢对自己冇乜伤害，最重要知道自己做紧乜。喺娱乐圈都系一个entertainer，可以带到欢乐俾人嘅话，何乐而不为呢？再讲，有人评论好过冇人评论，最后观众都透过唔同途径会认识到我嘅音乐，咁已经好足够。”

赤裸地与大家分享阴暗面

胡鸿钧早前推出新专辑《到此一游》，与《降魔的》主题曲同名，令人联想到为承接剧集的势头而推出，但他却表示这张专辑主题是探讨自己的内心，并希望听众借此更认识自己。

胡鸿钧将过往的感情经历，及阴暗面写在《情人自扰》之中：“首歌好赤裸咁将自己嘅dark side同大家分享，以前因为自卑、妒忌破坏咗一段关系，当时仲要净系识得责怪对方，未识反省。到最近心态改变，有勇气踏出一步完成呢首作品，面对自身嘅问题，发现原来都带俾听众启发，我觉得咁样系做紧一件啱嘅事。”

胡鸿钧觉得面对外界声音，一切都取决于心态。(黄国立摄)

胡鸿钧都觉得《到此一游》似《夜曲》？

除了《情人自扰》之外，胡鸿钧私心推介《今天之后》：“纯粹系因为自己写，有情义结，哈哈！不过当然都系讲自己嘅感情经历，以前自己付出唔够，到对方离开先识后悔，但系已经追唔番。”

虽然胡鸿钧希望听众更了解自己的内心世界，但网民的着眼点都放《到此一游》一曲上，因为与周杰伦《夜曲》感觉很相似，咁佢又点睇呢？胡鸿钧大方说：“我听番嘅时候好老实讲系有啲相似嘅，相似嘅地方系个结构，但旋律同莓其他方面就唔似嘅，可能系带出嘅感觉氛围相似。(咁会唔会唔开心？) 唔会呀！好感恩大家会将呢首歌同《夜曲》去比较，都系一种荣幸嚟嘅，哈哈！”

原来胡鸿钧冇学过唱歌！？

相信大家听过胡鸿钧的作品后，都知道佢个range都偏高音，如果男读者想同样轻柔地处理《遥不可及》、《朋友身份》都会几吃力，到底有啲咩Tips呢？胡鸿钧搞笑话：“Tips嚟讲呢……唔需要care个音准嘅！只要自己爽，唱得开心足够㗎喇！我成日觉得唱歌应该当系娱乐，唔需要太大压力，用你嘅方式，放声嗌都OK！”

当然啦，做歌手要学识保护自己声线，锻炼各种技巧除咗令自己演绎更自如，更重要的是避免损耗自己嘅声带。但原来胡鸿钧由胜出比赛至今，到出唱片一直都是无师自通，他谦虚说：“死喇！去到呢啲位就冇乜墨水㖭……其实我都系半途出家，之前一直都系靠自己练。依家真系要敬业啲，要开始学唱歌，因为讲咗好耐都未正式跟过老师学唱歌。”

虽然胡鸿钧没有学过唱歌，但在《超级巨声》时已赢得外界好评，获赞水准够稳定，但他希望自已可以不断进步：“既然身为歌手就要好认真对待自己事业，歌手紧系要唱好歌㗎啦！要揾方法令自己不断进步！同埋新一年目标有更多创作，能够直接表达自己想讲嘅嘢，呢个亦系大势所趋。”