【寒冷天气警告】潮流兴玩雪？ 两首新歌MV睇到你“雪雪”声
撰文： 彭嘉彬
出版：更新：
近日香港气温急降，个个走出街都多添一层保暖衣物，“Heat Tech”呢类功能性内衣更是必备。不过咁啱得咁桥，最近歌手们纷纷推出新歌MV亦非常应景，雪花飘飘，虽然香港无落雪，但一样感受到歌手拍MV时凛烈的寒风。
近日轩仔同Aga嘅新歌MV都不约而同出现风雪场景，啱晒而家嘅天气睇！
+5
张敬轩新歌《缺》及Aga的新歌《无期》不约而同也出现风雪场景，不过意景却相距甚远。《缺》的MV以精神病院为题，当中的夸张演绎方式配合著场景不停转换来表达极端的情绪，所以大家可以看到轩仔一时在漫天飘雪的走廊狂奔，一时通山跑的场面。唔讲你未必知，其实MV当中嘅风雪场景系喺屯门拍，用嘅当然系人造雪啦，不过出嚟嘅效果就好似身处北海道咁。
至于讲到北海道，其实Aga嘅《无期》就正正系去到北海道拍摄。上年12月正正系当地嘅雪季，MV当中嘅冰天雪地正好带出《无期》的浪漫感觉。原来拍摄时当地只得零下十度，Aga身穿大露背晚装演出，可说是“西伯利亚人”的典范。不过学网民话斋，外地冻极，又边够香港嘅“湿冻”嚟呀，小儿科啫！