在家体验日本唱K系统？　Switch“JOYSOUND”连中文歌都有得唱

唔少钟意游日嘅朋友身处日本时，都会贪玩去唱吓K，皆因日本嘅K房真系周围都有，而且仲有得换上cosplay服饰，最重要嘅系，日本卡啦OK嘅系统同其他地方都唔一样，独有评分系统。每当唱完一首歌，评分系统除咗会为你打分数外，更会详细同你分析全首歌入面，边啲位唱得好，边啲位音准唔够，而且仲可以比较日本全国平均分，睇吓自己呢首歌是否唱得比其他人好。熟悉日本的朋友，深信也会知道这种卡啦OK系统主要分为“JOYSOUND”及“DAM”两间公司，不过如果你想无时无刻都体验到“JOYSOUND”嘅系统，终于都不是梦了。

日本“JOYSOUND”除咗有实体K房外，其实一直都有推出家有游戏机的应用程式，不过碍于每个版本都有啲缺点，所以一直也未能在海外风行起来。例如PS4版嘅“JOYSOUND.TV plus”就要透过日本发行嘅信用卡或者水货商先可以买到唱K必须嘅“时数券”；而手机应用程式“JOYSUND PLU”就偏偏只得日文歌，中文、英文、韩文歌通统欠奉。比较起来Switch的“卡拉OK JOYSOUND for Nintendo Switch”则全面得多，不但有齐中英日文歌库，而且用Paypal便可以购入“时数券”，唱3小时也只需324円（约22元港币），啱晒成班朋友系屋企开Party。而且家用机版的“JOYSOUND》跟日本的K房无异，一样有评分系统，并与所有用家比较平均分，以后想高阶唱K又洗乜飞去日本？