【专访】周慧敏自认不是好老婆　工作太专注：冇时间做好妻子角色

90年代红透整个亚洲的“玉女掌门人”周慧敏，自婚后少有在访问提及倪震的她，在是次交谈中罕有提起她与老公的生活细节。单从他们的共同嗜好（美式桌球）就知道他们对周边事物的看法和处事态度。“每次有人见到气氛好严肃以为我哋嗌交，其实我哋唔系。我哋平时打波为咗保持集中力，所以我哋唔会喺波场上嬉戏，但系一打完我哋就会变回正常。”周慧敏说。
摄影：梁碧玲
场地：都会海逸酒店

将于2018年开红馆演唱会的50岁“冻龄女神”周慧敏（Vivian），向来做事绝不马虎。她曾在访问中形容自己是一位“紧张大师”，不论是开演唱会，或是一场桌球游戏，她都会认真看待。

Vivian笑言：“我虽然同人讲我系一位紧张大师，其实我系个好玩得、好傻气、好神经质嘅人。至于我平时所讲嘅紧张大师，系指自己处事态度。例如你要我玩一个游戏，我会做好多功课去钻研呢个游戏。就算我同我先生（倪震）打桌球都系一样。”

提到与老公的共同嗜好，Vivian言谈间透露与老公之间的互相角力：“我当年喺Vancouver（温哥华）住嘅时候先去学美式桌球。当时我只不过系beginner（初学者），我先生已经开始set我‘士碌架’。我心谂，我连cue（球杆）都未揸好，佢已经唔让我。但系我唔会嬲，因为打桌球就系一个心理训练，心理质素系好紧要。自从𠮶次之后我就好唔忿气，于是我学打波第一件事就系要‘救波’。之后我每次打波嘅时候我就会自己开张台自己练习，每次练习几个钟。就系一个咁简单嘅一个嗜好，我都会咁认真，呢个就系我做人嘅态度。”

桌球除了是一项斗技术的运动，也是一场心理游戏，心理素质更是决定成败的重要一环：“每次有人经过见到气氛好严肃都以为我哋嗌交，其实唔系，我哋平时打波为咗保持集中力，所以我哋唔会喺球台上嬉戏，会好认真，但系一打完我哋就会回复正常。”

从交谈中感觉到这位女神事事认真之态度比想像中惊人，问到会否令身边人有压力，Vivian坦言：“其实除咗我做嘢认真，我先生都系一样，所以我哋相处都几好。我认为，如果另一半性格唔系认真派嘅话，我会为佢而调节。我04年复出之后一直好少理家庭，我发觉我工作嘅时候系专注唔到家庭。我无一个时间同空间做好妻子角色。”言语间明白到这位不老女神也是一个恋爱大过天的人。

她话虽如此，但Vivian近年鲜有在活动中出现，究竟有什么令她成为口中的忙？

“我依家嘅生活系永远都有功课要做。例如一个去印度探访嘅活动，我都会花好多时间去了解当地文化，又会了解一下我代表嘅组织喺当地嘅工作，我所有嘢都一定要好清楚。我明白有啲人可能唔会做呢啲嘢，但系我会要求自己做哂呢啲嘢，因为呢个系我嘅责任。将来我接受访问嘅时候都可以为佢哋发声。人哋用一日时间做嘅功课，我会花5日去做。除咗呢啲之外，我又会持续上声乐课程，仲有学电子琴等等。”

“虽然我喺屋企有helper（工人）咩都唔驶做，先生都唔驶我做任何嘢，最紧要relax（放松），有时连煮嘢食，佢都都会快过我冲入厨房煮。但系我真系想做下家务，仲有多啲时间服侍我养嘅猫。”诚然，“好妻子”在不同的女士心目的定义也不同，但在Vivian眼中，能真真正正做一位她口中的好妻子，就是零工作，心无杂念，全心全意待在家中便足够了。