Encore两次先肯完骚　吴浩康高呼：下次红馆见！

一连两晚的吴浩康《Listen To Deep》演唱会经已完满结束。演场会的入座情况以至现场气氛超出预期，两场爆满之余，在尾场为了满足入场乐迷的需要，足足encore两次才可正式落幕，不少现场观众大叫抵睇！而吴浩康更对舞台依依不舍，因为他等了这个机会三十多年了。

男主角吴浩康一开场便自𪪼自唱歌曲《火》、《感觉苏豪》为在场的观众热身。现场粉丝一点也不慢热，从第一首歌开始便自动自觉为Deep打拍子。热身过后Deep在台上表示“今晚啲歌如果简得好嘅话，用你哋啲欢呼声话俾我听系简啱咗”，接著唱出耳熟能详的代表作《讨厌》、《孩子王》、《棋王》、《择日失恋》等。当歌迷听到这些全场都识唱的作品，当然识做，马上报以掌声及欢呼声。

今个演唱会有多个亮点，高潮不断，而师姐Yumiko（郑希儿）更连续两晚为Deep当演唱嘉宾。当Yumiko唱她的手本名曲《相对湿度》时，不少观众也大为惊喜，全程企立欢呼。唱罢《相对湿度》后，此时Deep再次现身并大赞师姐是他一生人之中，其中一位最有义气的圈中好友。而Yumiko马上大赞Deep为人心地好:“大家知唔知佢（Deep）平时讲嘢就大大声好似好串，其实佢得把口，佢个人真系好善良”，接著又大叫“我哋下次送阿Deep上红馆！”全场观众马上异口同声呐喊说好。接著他们为大家带来一系列跳唱Medley：活著viva／戒男／煞科／第五个现代化／点够喉／大热／越夜越有机／失忆周末／眼睛想旅行

来到演唱会尾声，吴浩康唱出今年的主打歌《较早前录影》时，他一度喜极而泣，并谓：“公司真系好锡我，佢哋成日同我讲全公司都撑你，呢首系为我而做嘅年度之歌。”

来到encore部分，吴浩康先后唱出《洗剪吹》及《先入为主》并强调，这个部分是为睇足全场的填词人黄伟文而唱，当然这两首歌也是出自Wyman的手笔。结果Deep唱罢后，场馆都开大灯了，但仍有约一半的乐迷依依不舍大叫encore，而Deep最后经经现人同意再次唱出《棋王》送给歌迷并以一句“我哋下次红馆见”结尾。

骚后吴浩康接受《香港01》访问时，谈到头场获老板杨受成博士坐足全场支持，又曾在演唱中途揽住老板的知遇之恩，Deep表示：“如果有喺我公司（英皇）做过嘅人都知道杨生（杨受成），佢系全公司最想帮我发展嘅一人，所以有一样嘢我都想同大家讲，喺我休息哩几年有啲网友佢哋因为替我唔抵但又唔系咁了解公司情况下成日闹英皇点点点，其实系大家嘅误解。公司一直以来都对我好好。如果你话我呢几年公司无咩帮我出作品等等嘅嘢，其实如果乱出作品咁样唔系代表帮我，咁样反而害咗我，所以有好多时都唔可以咁谂。讲真，系我人生入面杨生陪我过咗好多难关，咁多年来我揾佢通常都冇乜好事，反而每次揾佢都系要佢帮手，而佢永远都唔会托手踭。”

他续说：“其实公司真系好锡我为我做过好多嘢，不过出面人唔会知。好似我妈咪走咗（病逝），我公司冇出声就帮我做咗好多嘢，只不过哩啲系我嘅私事，所以我好少去同大家讲，我屋企有任何事，公司实际行动又有，慰问关心都有。当年我无得出唱片又会揾电影俾我去拍，我觉得有一间咁好嘅公司咁对我真系夫复可求。”

 谈到Deep在台上热泪盈眶表示自己过去曾走远了，所以咁多年一直渴望得到台上一分钟的机会，Deep表示：“我咁多年去不断坚持，努力，都只系想做一个合格嘅仔，我想做一个似样嘅人。我想我老豆可以见到我再上舞台。我爸爸就系一切令我努力嘅原因。喺我妈走嘅时候，我知道所有嘅爱唔系理所当然，身边嘅一切唔会永远留喺身边，所以我会珍惜眼前人。每一日我都觉得时间唔够，所以我每一日都要加快脚步，正正就系咁行下行下终于可以再次上舞台。”

提到他在完骚时大叫红馆见，Deep坦言这是他的目标：“对于我个人嚟讲，红馆系我嘅目标。但系确实消息未有，依家咩都未定，但系我每日都会做好准备，我好希望下次再上台就系红馆舞台。”