吴浩康演唱会感动痛哭揽实老板杨受成　Deep：多谢你老板！

昨夜吴浩康《Listen To Deep》演唱会顺利在九展完成头场演出。整个演唱会比起单纯的集体回忆，阿Deep更带给乐迷各种类型的音乐，除了经典抒情作品，阿Deep更联同合作多年的乐队Closer成员一起演奏摇滚作品，阿Deep笑言:“我呢队乐队好得意㗎，好似艺术家咁。组成咗Closer咁多年，去到变Closing解散咗先开始有人去听我哋啲歌。近年去到一啲喜庆场合例如有人结婚我哋先出返嚟，今日我可以喺呢度开演唱会，都算系一件喜庆事，所以呢班兄弟一齐出嚟撑我。同大家介绍，我哋系Closer!”一连串摇滚作品《Closer》、《明白》、《上车》，重新认识阿Deep慢歌以外的另一面。

热血摇滚后，气氛一转，阿Deep在芭蕾舞蹈员伴舞下，演出一Part较具视觉享受的《公元前medley》，除了唱歌外，阿Deep亦即场坐在钢琴前演奏一番。唱完《醒觉》后，阿Deep突然深情地说:“喺呢度要多谢一个人，呢十几年嚟佢都好似一个爸爸咁照顾我，甚至我呃过佢佢都无放弃我，今晚佢都有嚟，不过佢比较低调，所以我就唔讲佢系边个啦，送一首歌比佢，《给爱惜的人》。”讲到眼湿湿的阿Deep虽然没指名道姓，不过大家也估计他说的，就是坐在台下的老板杨受成博士。

如果是阿Deep的忠实乐迷，应该不止期望他只是带来大热作品，所以他也相当识做，以medley形式唱出一系列Side Track包括《傻》、《我可以》、《放过自己》、《又过圣诞》。

不过难得阿Deep开骚，又点会得自己一个唱晒成场咁Dry。阿Deep落力边跳边唱《新手》之际，师姐Yumiko已从台下升上来，唱出为人熟悉的《相对湿度》，更与阿Deep crossover了快歌medley，不少90及千禧年代的歌曲在此重现，《活著viva》、《戒男》、《煞科》、《第五个现代化》、《点够喉》、《大热》、《越夜越有机》、《失忆周末》、《眼睛想旅行》，舞蹈编排诚意十足。

除咗Yumiko之外，连蒋雅文同梁浸浸都有到场，两个都好Cute Cute！

不知不觉，原来阿Deep在Facebook上的直播节目《Deep Nite Show》已经刚好一周年。阿Deep亦特意邀请了好拍档陈思捷在台上重现《Deep Nite Show》的现场版作为纪念。唱著唱著，阿Deep不禁泛起泪光， 讲起自己的三家姐:“我要多谢我三家姐，其实佢之前已经嫁咗去法国，不过佢今日特登返嚟睇我。一个歌手屋企唔需要多一个歌手，不过好需要有一个观众，喺无人听我唱歌嘅时候，佢做我第一个观众。”

《Deep Nite Show》的部份以一曲《演唱会》送给女友李昭南作结:“每个星期一开Live我都会好燥，呢条线又有问题，唔知边旧嘢又有事。而Michelle就陪住我东奔西跑，我哋唔知我哋可以做到咩，不过佢就系咁样陪住我。所以我要正正式式咁多谢佢。”

及后阿Deep环绕全场逐一向现场观众，同时唱出《38廿四》。走到老板杨受成身旁时，阿Deep突然哽咽与老板拥抱良久，引起全场欢呼。他更答谢父亲:“我成日都话，如果我系你，生咗个我咁嘅仔真系唔知点算㗎。但系多谢你呢三十四年以嚟，每晚瞓唔著都无放弃过我。”并唱出《吻弥留的你》及《𡥧仔》答谢家人。

Encore环节前，阿Deep再次回到台上，他再次眼湿湿道：“真系再低调都要讲，大家都话Mani好锡我，对我好用心。其实唔止Mani，我老板(杨受成) 都一样。佢对我一直都对我充满信任同支持，可能我曾经令佢好激心好失望，但佢对我嘅支持同爱，我喺唔同嘅同事口里已经知道。同事成日都会走嚟同我讲‘喂老板真系好锡你！老板又问起你啦！’我知道！多谢你老板！”及后唱出《先入为主》，为整晚演唱会作结。