【演唱会温书】侧田开骚必唱五首饮歌　入嚟温定书唔好到时唔识唱

侧田一连两场的演唱会听日开骚喇！计埋今次已经是他第七次的个人红馆骚，出道12年开7次都算好劲喇，虽然次数唔算多，不过想听佢嘅人一定好多，尤其近几年他将重心放在大陆，有不少乐迷已经好挂住佢。今次开得两场，当然有好多人买唔到飞，所以买到飞嘅幸运儿一定要好好欣赏今次呢个骚，做足准备，熟听侧田一定要知嘅歌！

由出道到现在，侧田都被冠为“情歌王子”，除了他有一首歌叫《情歌》之外，是因为他的情歌首首都入心入肺，唱中每一段恋爱的经历。而且虽然阿田有时好高音，不过他大部份歌，人们都能在K房唱出来，自然更加脍炙人口，就算而家，好多人都会唱返佢以前嘅歌，你就知道个传唱度有几劲！

入得侧田演唱会，有五首歌你一定要听过，最好识背埋，因为佢一定会唱。唔系讲笑！

好人唔使讲，呢首侧田出道的成名作，相信就算唔系佢fans都会识唱。最紧要是，他唱出了每一个陪在女神身边，作为一个小士兵的心态，你以为身边很多围绕著你，关心你，原来统统都是假的，好鬼sad。

又系侧田第一只碟的歌曲，佢第一只碟其实真系首首都咁正！又系一首能够带起高潮的歌唱，讲述一个守候者，决心要等自己爱人等到最后，无论中间遇到甚么灾难，无论要等多二百年都好，都一定要等下去，唱俾自己暗恋对象听真系啱晒！

侧田虽然唱得多sad嘅情歌，不过都有唔少冧歌，三十日一定系最代表性嘅一首。“由这一分钟我一生就只有你”，呢一句真系冧死唔少人，亦都系演唱会必唱嘅冧歌之一。

唔好以为侧田得慢嘅情歌，快歌一样有！一个演唱会点都会有high歌环节，《决战二世祖》绝对系必唱嘅歌，讲述一个普通人点去同二世祖争女，靠嘅当然唔系钻石与黄金，而系一颗坚硬无比嘅真心。

上面讲𠮶四首都系比较旧嘅歌，成十年前都有，但作为新嘅演唱会，点都会有返啲新歌。呢首《不经不觉》系侧田新碟主打嘅歌曲，派台成绩十分之好，又是一首三台冠军歌（侧田总共有7首，其中一首《男人KTV》为四台）。今次唔再系情歌，而系讲人生哲理，大家就系要听吓先好入场，必唱呀！