【专访】新碟唔再唱情歌　侧田：我想自私一次讲吓自己

大家以为侧田一直都在内地发展，就连他自己也曾经说过有不少歌迷以为他依然在内地。其实他已经回归香港4年了，而且也推出了不少单曲，包括：《幸福止痛》、《Heads Up Phones Down》、《不经不觉》及《450蚊》。不过在他所推出的作品中反而少见了乐迷常见的侧田式情歌。“我想离开情歌，我唔想只只碟都做啲失恋歌。”侧田说。
摄影：黄国立
化妆：Yen Lai
场地：Chic by The Oyster House

歌手侧田，将在12月举行《侧田CHAPTER FREE巡回演唱会2017 香港站》。坦言要离开情歌的他，虽然缺少了情歌，但依然叫好叫座，门票在公开发售第一天已经宣布售罄。一直在筹备新歌的他表示：“呢只碟我尽量离开情歌嘅题材，我唔想只只碟都做啲失恋歌。我想做一只真系讲自己嘅碟。我想自私一次讲自己，医疗自己。老土啲讲句今次都试新嘢，所以头两首歌嘅MV都系揾啲年轻导演，美术指导团队去合作。我挑战多啲以前未做过嘅嘢，服装上我都唔介意大胆啲。音乐上亦都更为大胆，一做要做到最极端，开心嘅歌就要push到最开心，唔开心嘅歌就要拎晒自己最黑暗嘅嘢出嚟，唔再收收埋埋。因为以前嘅我做音乐好多限制，好多想表达嘅嘢都唔做得，所以今次我想将最自己Justin嘅一面拎出嚟。”

问到侧田在他数首新歌中，由Eric Kwok作曲、林若宁填词的《不经不觉》是最得到网民共鸣的作品，歌曲谈到人生，做人要谦虚，不要失去才懂珍惜。侧田坦言：“本来是叫Riley（林若宁）写一首大人教小朋友humble（谦虚）嘅歌。但觉得我哋无资格去教人，因为我自己都做唔到。我哋教人要humble，要识得分享，唔好虾人。但其实我哋自己都唔够humble，咁我哋有咩资格去教人呢？我哋往往都真系舐嘢先会学懂谦虚。We learn from life，we don't learn from book！（从生活中学习，而唔系从书本中学习）所以Riley最后就用呢个方法去写呢首歌出嚟。所以我系一个messager嘅身分唱出嚟。”又谓：“人生应该享受挫折，挫折先系人生嘅精华。”

侧田笑言：“最近好兴freestyle呢个字，其实我想讲我freestyle咗成世，我舐嘢都系因为我做人太freestyle。所以做人freestyle系唔好，大家千祈唔好学。”

提到新歌找了很多首次合作的新面孔，侧田谓：“我今次点解会揾Dough Boy合作，其实佢本身做好多EDM同Hip Hop嘅音乐。而我本身都好钟意。我哋成日都有hand out，有时大家又会互send啲音乐大家分享，有一日我就收到佢嘅demo一听就觉得呢首歌我一定会放喺album嘅第一首歌，歌名叫《Heads Up Phones Down》。咁呢首歌我觉得好fresh，仲要用广东话唱，好正，系一首好有意思嘅作品。”

虽然没有情歌，但12月的演唱会，侧田当然有这一环节，他又表示会把既有的编曲upgrade，但保证不失原汁原咪的特色：“放心《好人》唔会变成Jazz版。我知观众想要咩嘅，我唔会乱咁搞。我今次队band会再劲啲，多啲人脚，同埋我会跳多啲跳舞！”