【独自音乐】公司嫌歌曲不够商业　陈奂仁：我个样唔够商业就真

相信没有人会怀疑创作歌手陈奂仁的音乐才华。这位音乐人曾经与多位天皇巨星合作。作曲、填词、唱歌、以至自弹自唱也备受肯定，而且他也曾成为多个大型歌唱节目的导师、又在香港开红馆个唱。虽然他做过很多歌手梦寐以求的事情，也具备了成为一线歌手的实力，但始终定位不如其他天皇级歌手。对于自己处于这个尴尬位置，陈奂仁以“我个样唔够商业”来形容自己！
摄影：谢浩然

歌手陈奂仁（Hanjin）来自新加坡，他是一位能够作曲、填词、编曲及监制的全能音乐人。在1999年，因得到歌神张学友赏识而为他创作《和好不如初》、《爱你痛到不知痛》及《女人香》等经典歌曲。其后他又曾与郑中基、陈奕迅（Eason）、郑秀文、陈冠希、陈小春、容祖儿等合作。虽然入行不久便有机会与多位歌手合作，但对于一直希望成为歌手的Hanjin来说并没有快人一步。

“好多人都同我讲话好欣赏我，对我评价好高，但系好多时行动上不成正比。其实我出道到依家只系一个目标，就系上一个大啲嘅舞台，仲有就系出唱片。18年前嘅我，写咗好多歌，当时我周围去sell唱片公司，点知佢哋全部都拒绝我。”陈奂仁说。

Hanjin续说：“简单一个结论就系‘我个样唔够商业’、‘我嘅音乐唔够商业’。不过到我成名嘅时候就开始唔同，佢哋虽然都系唔想帮我出碟，但系想将我啲歌留畀佢哋嘅歌手去唱。虽然系咁，但起码我知道其实陈奂仁嘅音乐其实系有价值，只系我个样无商业价值。”

有很多人认为香港都是以“商业歌”为主导，这也是其中一个原因令乐坛曲风感觉变得单一。对此，陈奂仁直认为商业歌打工多年：“作为一个音乐人，我的确有几首作品改变咗我嘅音乐路。第一首就系帮歌神张学友作嘅《和好不如初》，呢首歌到现时为止佢嘅演唱会都仲唱紧。至于另外就系Eason嘅《爱是怀疑》、《阿斯匹灵》、《Because You’re Good To Me》、《冤家》及《我也不会这样做》呢5首歌，因为当时系我第一次有人肯揾我做监制。我记得当年做完《爱是怀疑》之后好幸运，好多人揾我做监制。而且我成日收到唔同唱片公司打电话揾我，要求我写一首《爱是怀疑》，因为佢哋都想要《爱是怀疑》带出嚟嘅效果。呢个就系带出咗乐坛对商业歌嘅要求，而我过去呢十几年就系为咗呢啲要求而服务。”

Hanjin不经不觉在乐坛打拚多年，对他来说能否大红大紫已经不重要，要他总结自己过去18年的努力，他似乎也相当满足：“有知音人永远系一件开心事，但我觉得一个歌手上唔上到位，永远都系睇佢嘅老板觉得喺你身上赚唔赚到钱，如果佢觉得佢赚到自然会帮你。而我都开过红馆演唱会，喺国外做过tour，已经算好好㗎啦。”

Hanjin为别人“服务”多年，近年他终于有新的想法。在音乐上他希望可以自私一点，把自己的人生想法呈现出来。“我同过咁多歌手合作，我依家最想合作嘅歌手系‘陈奂仁’。因为佢（自己）已经出道差不多二十年，好想再开演唱会，创作一啲可以表达自己想法嘅作品。”

Hanjin坦言：“我忽略咗自己好多年，依家嘅我写每一歌嘅故事都系由心而发，唔会再特登为客而做。以前自己因为有欲望，为自己带来好多压力同埋执著。有好多工作上嘅挫折其实都系因自己而来，所以我想做自己。”

如果大家有留意Hanjin的作品，你会想起他与陈冠希合作时期做过多首Hip Hop歌首，如《香港地》、《战争》。随著Hip Hop热潮流行，Hanjin也推出了数码EP《Rap One》，不久的将来还会推出实体大碟：“之前因为要搬录音室，搬完之后，当我整理电脑嘅时候，就揾到一啲以前写嘅beats，呢啲beats都系只有编曲无Melody。后来我发现几好，于是我用呢啲beats做咗20首rap歌交畀发行人。后来佢哋同我讲叫我唔好出rap歌，因为喺市场上好冷门，佢哋想我做一啲singer song writer路线嘅歌曲，于是我就做咗7至8首rock嘅歌曲。

跟住随著节目《中国有嘻哈》hit爆，我仲以大魔王身份上节目唱歌，发行人就同我讲不如出rap歌，结果我太太就喺之前交出嚟𠮶20首歌入面选5首出黎做数码EP《Rap One》，而之后即将推出嘅《Rap Two》将会加埋《Rap One》嘅歌曲出一张以人生为主题嘅大碟叫《Love Is Pain》。”

《你最美丽》其实是Hanjin答应太太为她而写的歌曲，虽然这个承诺已是多年前的事，不过今年Hanjin终于有机会把歌曲写好面世，诉说对太太的爱。