卫兰开红馆骚多谢Fans支持　前老板黎明畀足面拍片送惊喜

卫兰Janice今日在湾仔举行《Oh My Janice World Tour 2018》记者会，更现场唱出新歌《一晃眼》。Janice明年1月将第4次再踏红馆舞台开骚，她表示心情非常兴奋，又讲到脑内已经有构思要如何演绎，不过笑言某些事一定不会做：“我唔会跳到好似郭富城咁！哈哈！”她又笑言今年工一浪接一浪有点不适应。

记者会一众天王天后都有拍片向Janice打气，包括：郑秀文、容祖儿、李荣浩等等，就连前老板黎明都拍片送上惊喜，令Janice大叫：“Oh My God！好感动呀！”而华纳唱片的高层亦有送上一张大机票，好让Janice完骚后可以出国放假。

Janice唱《一晃眼》时表示自己入行以来经历过高低起跌，很感恩可以继续做音乐。然后邀请了监制及演唱会顾问舒文上台，舒文笑言：“你都知香港人做嘢个个都好似火烛咁，但系同卫兰做嘢就要慢10秒，其实都好嘅，一来我可以唞下，二来又可思考得细致啲。”他又笑言Janice做事很Chill，所以今次伙拍一个“最Chill”的团队合作。

接受访问时，被问到既然前老板黎明畀面拍片支持，会否邀请他作嘉宾？卫兰表示：“真系好感动！(会否请Leon做嘉宾？)唔知呀，因为嘉宾部份已经定咗，不过都好想佢嚟睇，因为我都有得唱歌都系因为佢俾咗好多好歌我唱，所以好想多谢佢同Mark Lui。”至于邀请了哪位嘉宾，就要保持神秘。至于不少乐迷都表示希望听到卫兰的Side Track作品，Janice表示今次演唱会都会唱：“我好愿意去唱，而且多乐迷都好想我唱，例如《寒命》、《自首》都会有；不过比较Hit啲嘅都会有，尝试揾一个平衡。”

有网民认为卫兰、JW、AGA、Gin Lee是继容祖儿之后的乐坛天后接班人，Janice感谢网民与乐迷的支持：“好感恩，同一班好出色嘅歌手提名我觉得系一个好大嘅鼓励！因为佢哋每一个歌手都有独特嘅声线，如果大家继续钟意听我唱歌，我会继续唱落去！”另外，DJ李志刚都点名赞卫兰有做天后的潜质，Janice感激前辈的支持：“哗！(会否觉得有前辈打气信心大增？)都会呀，因为我个人本身冇乜信心，唔系讲笑，哈哈！就连经理人同唱片同事都叫俾我多啲信心，不过有大家嘅支持系一个好大嘅祝福！”

卫兰即场唱新歌，而且预告会唱多啲side track作品，乐迷记得要温好书先入场。(黄国立摄)