【一首歌】张学友《饿狼传说》 “汹涌的爱扑著我尽力乱吻乱缠”
撰文： 黄浩晋
出版：更新：
张学友有名你叫“歌神”当然多金曲啦，除咗《爱是永恒》、《你的名字我的姓氏》等等冧歌之外，仲有啲够劲够快嘅作品，好似今晚介绍嘅《饿狼传说》一样。
唔讲唔觉原来《饿狼传说》已经面世超过廿年，不过时至今日仍然好多人翻唱，就连小朋友都听过，你睇林升𣲗喺《超级巨声2》入面翻唱就知啦。不过咁，如果你嫌林升𣲗嘅版本有啲恶搞味，不妨听下胡琳收录于《Jazz them up ONCE MORE》嘅版本；想听有力量爆发力强就可以听张靓颖参加《我是歌手》嘅版本。正所谓：“有辣有唔辣任君选择。”
值得一提嘅系，上年学友喺红馆开骚都有唱，而且冇降key冇变慢，照旧又唱又跳，点睇出学友已经56岁呢？所以话“歌神”呢个名并唔系浪得虚名㗎！