【一首歌】周国贤《14天》Rock友情歌　“一不小心学会发生接吻”

周国贤年尾12月会喺旺角麦花臣场馆开骚，即使加场都好，今日大批fans纷纷吐苦水话买唔到飞，有人认为内部认购hold住晒啲飞，有人就直斥黄牛党炒飞阻住晒，睇嚟周国贤要化身好关公先可以平息民愤。

买到飞当然开心，买唔到飞嘅唯有重温周国贤嘅歌顶住先，今次就讲返周仔初出道时嘅作品《14天》。周国贤一向都系以Rock友形象示人，拎住结他力嘶力竭自弹自唱嘅画面相信大家都好有印象，边个话Rock友唔可以写情歌呢？《14天》由周国贤负责晒曲、词、编、监，曲风是比较粗糙直接的Pop Rock，歌词讲述puppy love的经历，曲词互相配合，一听就好有画面。点解？因为初恋一定系充满激情，而且多数都唔完美，《14天》完全表达到呢种感觉，你听完系咪都谂番起一啲往事呢？

虽然依家周仔都变成周爸，无论曲风定系主题都变得更成熟，有人会觉得更有男人味，歌曲更襟听；不过，久唔久听番《14天》、《不敌》、《极乐》等等作品揾番𠮶后生仔嘅感觉，可以当系帮自己揿一次F5。