【独自音乐】敖嘉年做过最后悔的事　往外闯入乐坛：有机会我都唱

“01音乐”全新节目《独自音乐》，第一集的嘉宾是多栖艺人敖嘉年。虽然敖嘉年给人的感觉总会有一阵TVB味道。其实他已经完约电视台，虽然得到高层挽留，但他决定转为部头合约的合作方式。而且向电影，甚至音乐发展。谈到音乐，其实嘉年一向都是唱得之人，曾唱出TVB剧《情逆三世缘》 的片尾曲《意想不到》。今次他在第一集的《独自音乐》中唱出《意想不到》及翻唱《倾城》。
摄影：谢浩然
发型：Sidney @HAiR
化妆：Touchup
服装：Search Clothing

相信不少观众都是从电视剧中认识敖嘉年，甚至误以为他是因TVB的艺员训练班而入行。其实他成为演员前，曾做过不少大家未必会知道的工作，“其实由细到大我都做过好多唔同嘅工作，试过暑期工跟爸爸去烧味店‘装饭’，又去过发型屋帮人洗头好多唔同嘅工作。有好多人以为我读艺人训练班而入行。其实喺我入行之前呢，我去咗一间好大型嘅唱片公司，即系卖CD嘅公司打碟做DJ。之后有朋友话，香港电台考DJ，咁𠮶时廿几岁其实我觉得其实咩都应该试下嘅。咁就胆粗粗入咗去考。我好记得去考当日有过千人去面试。我坐巴士去嘅时候一落车，见到好多名贵房车。我当时谂娱乐圈真系个个都赚得好多，而我自己又无咩人脉，都唔知考唔考到。”

嘉年续说：“考完之后就谂住得唔得都唔紧要啦，后生仔𠮶阵时得廿几岁。点知有二次嘅面试，第二次面试呢就得番60几人，我（当时）谂紧尽力做啦。慢慢又入去冲呀，跑呀，咁样就入咗去香港电台做DJ。 之后喺电台认识洪朝丰呢位恩人。有日佢就问我，有无兴趣入唔入TVB试下镜。就系咁，我进入咗TVB呢个大家庭。”

谈到嘉年现在是自由身，是不是与电视台不欢而散？嘉年表示虽然自己曾经历低处，但大家依然是“母子”关系：“其实喺TVB嘅时候我成日都想放弃，但每当我去到最低点嘅时候又会有好嘅事发生。依家嘅我虽然无再签TVB经理人合约，但我仍然会帮公司拍剧。因为我真系喺TVB长大，系TVB养大敖嘉年。所以我谂只要叫我帮手，我都会继续一路做落去。只不过依家个形式系我多咗好多其他机会出去外面闯下。我依然会拍剧，公司一样会好似以前咁照顾我。虽然坊间成日话唔系‘亲生仔’待遇会唔同，但对我系无分别。”

《倾城》原唱：许美静／作词：黄伟文／作曲：陈佳明／编曲：吴庆隆

已是自由身的敖嘉年，除了将到内地拍摄电影外，他明言将进军乐坛。而且还会跟今集《独自音乐》的另一嘉宾叶肇中有音乐上的合作。今次唱出的《意想不到》正正就是由音乐监制叶肇中作曲。“我嚟紧会拍一套电影，除咗搞电影幕前同埋幕后嘅嘢之外，我仲会搞音乐上嘅发展。咁呢啲都系自己一路以来想做嘅嘢。我想喺我有气有力嘅时间完成呢啲嘢。唱歌对于我嚟讲，就算无论系点样嘅形式都好，总之有机会畀我去唱，畀我去抒发呢种情怀嘅时候，我谂我唱到60、70岁仲唱得，我都会继续唱。”嘉年说。