【我不怕唱歌】小清新EDM加Rap零瑕疵？　谭嘉仪：佢成日打畀我！

吴业坤：睇到佢虎背熊腰就知边个啦！
卢冠廷：佢唱歌够真！无刻意装饰！
谭嘉仪：粉红色衫﹑粉红色头发，一睇就知边个！佢成日打电话畀我！
有人靠外型而认出佢，亦有前辈话佢唱歌喺香港乐坛当中算系少有嘅率真，到底佢系咩人？
摄影：梁碧玲 彭嘉彬
剪接：许栢伦 黄浩晋

在香港乐坛，打著创作歌手的名号并不容易生存，纵是强如方大同、卢凯彤等，也不禁感叹台湾的音乐氛围确实跟香港不同。曾经香港亦举办过不同的大型歌唱比赛，当中涵括了各类型的歌手，直至现时仍然活跃在乐坛。今次《我不怕唱歌》的嘉宾同是由歌唱比赛出身，与其他技术型歌手不一样的，是她由比赛开始，已是以创作为主打。听过她的声音，你又能否把她认出？

早前衬书展热潮推出新书《有种爱情》，更顺势创作出同名新曲，找来男歌手张彦博合唱。跟以往不停在歌曲作新尝试的风格不同，今次她选择反璞归真，写了一首较简约的情歌，去掉了以往会在歌曲必加的Rap。今次在《我不怕唱歌》当中选唱了林峰的《Let's Get Wet》，更特意创作了一段Rap加在歌曲内，为何烙印今次会一反平日的可爱形象，挑战原曲为EDM的《Let's Get Wet》？一向让人感觉偏向小清新的她，原来有不为人知的另一面：“我讲过我好钟意EDM，而林峰其实系一个少数嘅主流歌手玩EDM，例如《CHOK》、《Heart Attack》同埋《Let's Get Wet》。不过讲到EDM我觉得香港嚟讲，始终仲未普及，啲人净系笑chok，其实Fable啲EDM都好正。”这位与外表不乎，喜欢写Rap词的女歌手，便是骆胤鸣。

流行讲Hip Hop，全因吴亦凡的一句“你有Freestyle吗？”人仔细细的烙印原来心中也有她的“Freestyle”，从第一张唱片开始，几乎每首歌也会加入Rap的元素，她表示自己太多东西要讲：“好似上一首《进击的哈比人》咁，有句歌词系‘太多东西要讲’所以就写rap，一次过rap出嚟！我自己好喜欢日本嘅R&B，歌词好似好密咁，后尾都喜欢埋Hip Hop同EDM。另外我好钟意农夫同Mastamic，两个rapper之间嘅Flow同切入点都唔同，农夫就易入口，马米就Rap得劲啲。所以我啲rap其实有少少佢哋嘅影子。”

由出道与姊姊骆胤桦组成SIS乐印姊妹开始，骆胤鸣的创作也被定形为卖可爱、讲梦想、正能量。她不禁为自己平反：“好多人听完我嘅歌都会话充满正能量，不过听真啲，其实歌词当中往往都系带住哀愁。例如《有梦就很好了》，你谂下，有梦就已经好好，呢个谂法其实好消极。”不过今次歌曲内容一转，以爱情为题，是否因为自觉需要转型？烙印表示：“因为我觉得爱情都系梦想嘅一部分，有人会以结婚生仔作为目标，每个女仔都幻想过自己系灰姑娘或者贝儿，当然要做Elsa都可以系一个梦想。再加上对我嚟讲，无爱情嘅生活会无晒灵感，枯燥乏味，讲梦想嘅时候有另一半支持，再难行嘅路都可以变得享受。同其中一句歌词‘有种爱情平凡却简单’一样，唔一定系轰烈先叫做爱情，可以好简单好无聊，只要系互相存在喺对方世界入面就得。”

虽然热衷于爱情，但终归也不能忘记要吃饭，在创作路看似越来越难走的现今，烙印亦有她的挣扎：“做创作当然有压力啦，好似成日要喺现实同梦想中间挣扎一样！不过就算创作揾唔到食，我都无办法放弃执起支笔，始终灵感就好似系我灵魂嘅一部分，我系需要用文字同歌解放我自己㗎嘛。”

Venue：湾仔01空间﹑ Panash Bakery & Cafe

烙印Credit
Hair & Makeup: Rita Leung
Wardrobe: G.perfect
张彦博Credit
Hair : Deep Yu@Beijing Hair Culture