【专访】34岁林闻恩坚持10年先有歌：可能会有人觉得我靠妹妹帮

林闻恩这个名字大家未必很熟悉，但看到相片后便想起“哦！佢做主持㗎嘛！”虽然现时林闻恩工作主要是当主持，但其实她也是一位歌手，2007年参加英皇新秀时更是海选票王，同届参赛者有在ViuTV艺人骆振伟及英皇歌手洪杰（原名扈佳荣）等等。34岁的林闻恩坚持了10年，终于有第一首自己歌——《看不见的存在》。这10年她是如何走过，家人、丈夫是如何支持她的音乐路？

大家可能在电视上见过林闻恩当主持，但其实她也是一名歌手。

“海选票王”却做主持工作，怀才不遇？

林闻恩回想起当时胜出新秀的心情：“听到当时经理人提过话呢个女仔入到嚟应该都可以出道㗎喇，我以为自己一签就可以出道啦！可惜，可能真系因为我第一次接触呢行，而且我本身个人比较内俭。”林闻恩又讲到自己当初有点不知所措：“以前真系好少主动去同人倾偈，入咗娱乐圈之后，你好需要去表现自己，要有𠮶个自信心，我突然间好似唔知自己要做乜。人哋会觉得点解比赛时好charm，但相处落就会觉得呢个人好冇自信，就会觉得未住，等下先。”

就这样一等就3年，林闻恩也曾质疑自己的能力，不过最都能撑过去。被问到大部份时间都在做主持是否工作怀才不遇时，她乐观面对：“唔会呀！我初时离开娱乐圈嘅原因就系因为，我以为自己系咪净系做主持呢，冇得唱歌呢，咁就走咗。谂番𠮶两年离开咗呢个圈，其实唔系咁样嘅，系一个trainning，因为我要习惯呢个圈嘅生活，明白我唔系净系匿埋音乐𠮶边，我要知道点样同大家交流。我要本身enjoy喺呢个圈嘅生态，我要知道点样令自己个保持最佳状态。”

幸得家人支持

林闻恩能有自己的作品，多得妹妹林熹彤帮忙，未来更会为她制作更多歌曲，但会否担心外界将两姊妹比较？林闻恩大方回应：“我自己唔介意，好开心我哋一齐喺呢行入面，可以互相扶持。可能会有人觉得我靠妹妹帮，但我呢样嘢好细个就克服咗，事业唔会互相比较，只会希望对方好。觉得妹妹叻过我，会引以为荣！如果有人讲我个妹，我会话‘好呀！赞得好呀！’”

另外，林闻恩表示自己放假仲忙过开工，因为假日要练歌、夹Band等等，幸好老公都非常包容。而闻恩提起老公时面上泛起甜丝丝的笑容：“老公好锡我，好就我，唔会反对我做任何嘢！不过依家有少少……因为我由朝到黑都做紧第啲嘢，见到面都唔系同佢倾紧偈，唔好怪我呀！”闻恩又讲到:“最近佢会觉得‘你都唔使理我㗎啦’，唯有返去ｏ氹番佢。不过应该都唔会有危机嘅，因为我哋都咁多年，我都谂紧办法，点样o氹番佢！哈哈！”