【有片】乐坛多年零肯定　E-Kids恼到爆粗：X！好似冇料到咁！

“我从来冇走出来，要人记得我，我只系用5000蚊拍了《踩唔死我》MV，结果俾人话我出黎搲捞，什么乐坛小强，会考又捉我哋出来讲，唔系我要走出黎呀，系你哋揾我出黎笑咋！”
“入行最介意人哋一直唔讲我哋音乐，X，好似冇料到咁，X，我哋明明几有心机做，我介意你哋话我冇料到！”
透过一系列“助语词”，或者才能表达E-Kids多年的感受。
摄影：梁碧玲　许栢伦

E-Kids由02年出道，短短几年的活跃时期，已经令唔少乐迷回味至今，上年终于宣布重组，令三子再次走在一起，年初开骚爆满后，年尾又会再开骚，唱红的作品如《开始恋爱》﹑《初哥》﹑《青春火花》或《下学期》等等多首Hit歌，原来，他们乐坛成绩几乎是“零”。Tommy坦言：“Ｘ！你下下拿我同陈冠希比，紧系冇得比，‘Ｘ唔惦嘅你3个！’喂，每首歌自己写自己排，你话我哋冇用心？好恼啰！”

当年E-Kids不乏支持者，因为大力宣传的关系，他们的作品你总会听过。“02年我哋好介意，果时卖碟卖得好架！粉丝多﹑卖碟多，连大陆都拿我哋啲碟做国语版，真系几好，偏偏我地啲歌派台就唔播，MV又唔会上榜啦！只只都有派歌，揾埋佢哋DJ帮我哋填词，都当我哋冇到，最恼系新人奖，唔畀我地候选，不过算啦，依家个台都冇乜人听，DJ都变晒做粉丝喇！”

“我哋3个烟都唔食，点解感觉系MK？ 硬系要咁...”

睇返资料，当年E-Kids在四大颁奖礼成绩欠佳，几乎只得过《新城劲爆颁奖礼》的新人奖。最令人谷气的就是某一个自称“专业”的电台，连新人候选的资格都没有，其实新人系一个客观事实，选唔选得中反而系其次，连新人都唔当，又系咩玩法？Tommy回忆道：“好多电台都上唔到榜，有个台连新人奖都冇角逐过！到今时今日都冇角逐过！当你冇到！我哋好恼，不过唔紧要啦，个台依家都冇人听啦！佢地觉得我哋唔够有型，简单啲讲‘你哋X呀’！所以唔畀我地玩！”

“传统媒体完全系冇成绩，试过《魅力移动》拿半个奖啰，最叻就系《魅力移动》，我系台到都已经发脾气，我忍唔到，大家知个制度，原来系倾的，两队要牺牲一队，果面同电台又熟啲，咁啰！一落台就喊，啲老板就话唔好意思，都冇下次喇！新人得一年架啫！果个年代有咩歌呢？《初哥》﹑《开始恋爱》﹑《下学期》﹑《魅力移动》，岩岩就系沙士，我地都开都千几人既音乐会，但连机会都唔畀我！”Tommy又话：“播都唔播！我都唔明完全唔播。坦白讲，你点Judge？又要同你friend，唔Friend就抹杀晒所有机会，只要你唔播，派完一次我就冇机会，好多歌手都面对呢个问题好多年，只要电台唔钟意你唔播。但依家唔同，有咁多app同平台，形式已经转左！”

谈起E-Kids在音乐上的“最大成就”，原来就系来自唔少歌手都唔愿唱的儿歌类别，E-Kids当年凭《仓鼠俱乐部》夺得“最受爹哋妈咪欢迎儿歌大奖”。“即系儿歌界的金曲金奖，赢咗家燕姐﹑梁咏琪，当时以为导演讲错，点知爆大冷！《仓鼠俱乐部》，我地真系呆左，全部人企系后面听你唱歌㖞，最威系呢次！”他们又补充：“好记得完左颁奖礼去k房，连谭玉英姐姐都过黎同我地枚！ 真系最威！”

会考每年都被鞭尸，几精彩架！永远有话题性，都几好丫，冇人记得你就玩完啦，阿Q精神啲啰

E-Kids在乐坛没有得到肯定外，经营数年却突然被逼解散，Alan回忆说：“当年最好的时候，唔识储钱，真系冇谂过会解散，公司会执笠。当时买衫都唔少钱，我们有要求每次唔穿旧衫，所以出亲骚都几千几千，唔识理财。解散后仲有少少本，就去开酒吧，做咗3﹑4年，日夜癫倒，饮酒饮到肿晒，EO2叫我放低自己少少，去教跳舞，结果认识了现在的老板，都系Tommy比我惨，被人话呃钱。”Alan又谓：“我觉得佢好劲，如果我系咁，我会好恼，tommy话冇所谓，都系娱乐大家。如果唔系tommy有负面野，就唔会带返E-Kids出黎，佢唔撑住，E-Kids会被遗忘！”

讲到依家算苦尽甘来，挨过最低潮，Tommy回应：“挨过左？ 我谂系挂…点都唔会衰过当时，当然自己都有做错嘢！例如处理钱银的问题，我自己真系做过生意失败过，输到冇晒办法。消息有真有假，但果几年将我呢啲位放大。”

旧事已成过去，今年初的重组演唱会，几乎一致好评，当然要把握机会，将自己的音乐元素展示出来。Tommy指：“今年有4-5首新歌，7月会出街，甚至出国做mv”细问之下，除了创作一首edm的广东跳舞歌外，更会推出久违了的《开始恋爱》续集，究竟当年的学生偶像，仲可唔可以成为90后﹑甚至00后的追捧对象呢？

“你咪笑啰，你畀我5分钟上台表演，你就知我系点！”