子女爱饮珍珠奶茶 港妈研创纯素珍珠奶茶疫市开店：可以日日饮
孩子的出生，总为父母带来各种生活冲撃，甚至促成一个阶段的开始。自有了两名孩子，Po所关心的事情便离不开孩子的日常，健康固然是其中重要的一环。孩子总嗜甜，被认为“无益”的珍珠奶茶却是子女的最爱，令Po萌生一个忽发奇想的念头。
“其实大家都咁钟意饮，咁不如我整一个健康版，就可以日日饮！”她遂着手研创纯素版的珍珠奶茶，更疫市开店，期望与更多人分享，同时推动可持续生活概念。“希望可以将营养饮品，用一个有趣方式呈现，可以话完全系一场革命！”
摄影：黄宝莹（部分相片由受访者提供）
创业实践绿色理念
Po在香港长大，于求学时期移居美国，在纽约念大学，毕业后从事广告设计行业，曾在当地生活近十年。婚后诞下孩子后，便成为了全职妈妈。“自从有咗细路仔之后，改变咗我好多。家长都系俾最好嘅嘢细路仔，生咗大女之后，由食物、日常用品，例如润肤露、尿片，咩都做一大轮资料搜集，去睇每一样嘢系点做、来自边度、有咩材料。”
从资料搜集的过程，Po开始了解什么是对环境有善的产品。现时长女及幼子分别8岁及3岁，她认为是时候重新实现自己的追求。“我希望可以帮人，呢个系一个信念。但用咩渠道去帮人，就系一个问题。”她于今年开展品牌PO house，以环保及永续发展为理念，推出绿色时装及美容产品平台，8月底则于中环开设了一间纯素珍珠奶茶店Mother Pearl。
珍珠奶茶的革命
“我自己由细到大都好钟意饮珍珠奶茶，仔女都钟意，身边嘅人又系好钟意，但都系秘密咁钟意！”高糖、高脂的珍珠奶茶，常被标签为“无益”饮料，作为母亲，Po对此有更多的忧虑。“小朋友食高GI值（升糖指数）嘅甜嘢，血糖一下子升高，会令佢哋好兴奋，但又好快好攰；同埋之前有报道话珍珠系用塑胶做，饮嘅时候又唔知啲珍珠喺边度嚟！我就谂其实大家都咁钟意饮，咁不如我整一个健康版出嚟，可以同人分享，仔女又可以日日饮！”
当萌起这个念头，Po便着力思考，“咩为之一个健康版本嘅珍珠奶茶？应该用乜野角度切入？希望一做就要做到最好。”为打造一杯彻头彻尾健康的珍珠奶茶，Po从原材料，包括奶、珍珠、糖入手。店子采用椰糖、罗汉果糖、黑糖蜜等低升糖指数的天然代糖，配以自家制无新增植物奶“mylk”（包括无麸质燕麦奶、杏仁奶和火麻奶），及以活性炭、姜黄、巴西莓、辣木混以木薯粉制成的四式珍珠来调制饮料。
“如果我哋嘅珍珠，唔系一旧冇用嘅野，而系有唔同嘅营养价值，大人觉得有咬口，细路仔又钟意，会系一件好有趣嘅事。”开业一个多月，Po直言有客人提出质疑。“总有人challenge（挑战）你，点解同平时嘅珍珠奶茶唔一样？我哋系行紧唔同路线，希望将营养饮品用一个有趣方式呈现，呢个完全系一场革命。”
疫市开店是优势
疫情期间创业开店，会否存有隐忧？Po却直言“好有信心”。“其实都系因为呢个疫情，我哋先可以喺food cost（食物成本）上咁使钱，因为正常嘅rent（租金）系难生存嘅，呢个都系一个恩赐。疫情期间大家都更加着重自己健康，对我哋都系一个优势。Surprisingly（惊喜地）香港人系好open minded（开放），会去试一杯全新演绎嘅珍珠奶茶。”
她透露，开店后不少品牌及单位邀请合作，惟现阶段希望先维持产品质素。“我哋都系奄尖，希望分享最好嘅一面，做好quality control（品质控制），人哋先会返转头，先可以深入民心，呢个系我哋嘅value（价值），more than（而不是）一开始就要赚尽佢。”
生活细节不离环保
Po笑言，孩子现时每天嚷着到店子买饮料，而女儿最爱的是以百香果、芒果、火龙果、奇亚籽及巴西莓珍珠等调成的“百果之香”（over the rainbow）。“有边个父母唔想自己仔女劲聪明！奇亚籽对小朋友脑部发展好好，就咁叫佢食，佢哋又唔会食，因为个样唔靓，要加落饮品，所以餐牌上面好多都特登加咗奇亚籽！”
店子更推出以制作植物奶时剩下的杏仁渣所制成的小食，希望借以推广零废弃生活概念。Po坦言，在日常生活里，反要孩子提点好好实践环保。“两个细路仔都喺国际学校读书，佢哋本身都好习惯呢个教育，我哋会互相提醒。有时我哋出街，唔记得带环保袋，我个女系好坚决，揽住啲product（货品）都唔要一个胶袋！大人有时会懒，买个方便，但就系呢个心态，令地球变咗而家咁样。”
Po又分享，日常教育孩子，只有三大原则。“第一，对人和环境要kind（友善）；第二，要问自己将来可以点样改变呢个世界；第三，serve（帮助）人哋可以系一件好开心嘅事，U are lucky enough to share something with someone else（有能力分享是你的福气），我喺屋企系会成日提点呢三样嘢。”
相关文章：饮食习惯影响智商 有零食会令孩子脾气暴躁 应避免食呢8类食物