网民闹蛋包饭食水深！攞煎蛋包住旧饭　成本$10有找凭咩卖$80

蛋包饭食水深吗？最近有网民讨论起蛋包饭成本低，若用4只鸡蛋加上些米饭，成本顶尽$10有找，却有不少餐厅售出逾$80“天价”。有网民形容蛋包饭只不过是“芙蓉蛋饭走馅铺面”，食水实在深不见底！

网民闹蛋包饭食水深！攞煎蛋包住旧饭　成本$10有找凭咩卖$80

有网民最近于LIHKG讨论区内，以“成本论嚟计 蛋包饭算唔算食水最深嘅菜式？”为题发文，指“比（畀，下同）尽你4只蛋 ，每只$0.5 x4 = 2蚊；饭：比尽5蚊；汁：比尽1蚊。一个蛋包饭成本10蚊唔使，收你80蚊不等。”直斥现时餐厅吃的蛋包饭食水深，话题掀起一阵讨论热潮。

有网民指：“星洲炒米，咪系味精米粉；干烧伊面，咪系冬菇伊面。点解咁贵，因为你煮唔到啰！炒饭识唔识，抛镬识唔识”，认为出色的厨艺应该反映在价钱上。有网民再赞日本蛋包饭好考厨艺：“日本𠮶啲真系手艺嚟，𠝹开𠮶下真系有食欲，香港煎层熟晒嘅蛋放面𠮶啲，就系芙蓉蛋饭走馅铺面，不得不赞鸡蛋真系一样好高深嘅食材。”对比下，显得香港芙蓉蛋饭食水更深。

亦有网民指出根源问题，“舖租、人工、加工费，差唔多啦不过最X街都系政府同地产商。冇舖头会想收咁多”、“你仲未计时间成本、人手成本、运输成本、灯油火蜡、租间铺成本、请人成本呢？呢啲全部唔计？”认为餐厅需要将开支转嫁至销售价格才能为本。

另一方面，有网民指楼主的成本价格推断并不合理：“认真问，边X度蛋$0.5/只咁平”、“香港湖北蛋批发都要$1，估计喺大陆当地生活先有咁平。”如果计算恰当，就不会产生此问题。