山顶连锁寿司店负评如潮！网民轰不如唔好做：“10样有8样卖晒”
撰文： 奶盖弟弟
出版：更新：
山顶一间连锁寿司店，主打高CP值以吸引食客，不过开业以来议论纷纷，纵使有忠实粉丝大赞，但同时亦获不少负面评价，曾被狠批“垃圾嚟，唔会再去”，最近更有网民轰其货量严重不足，怒斥应结业！
山顶连锁寿司店负评如潮！网民轰不如唔好做：“10样有8样卖晒”
最近有网民于社交媒体Facebook群组“香港寿司刺身关注组”内，发文批评一间位于山顶的连锁寿司店，指“山顶寿司店，先唔好讨论好唔好食，10样有8样sold out，连蛋寿司，赤身都冇，不如唔好做喇！”
好多网民有共鸣，留言表示“荃湾店都系......除佐（咗）吞拿,其他几乎都冇Sold out”、“黄埔个间都系，咩都无”，表示相关情况并非独此一家，全港分店都有相当情况。更有网民曾于11时许光顾该连锁寿司店于荃湾店的分店，“一半野都冇，甜品全部冇”情况相当严峻，又被指责“管理差过旧式茶记”。
有网民狠批相关情况好差劣，留言称“唔执笠但继续开分店先神奇”、“执咗佢好过啦！”有网民则嘲笑：“间野（嘢）唔系专门开黎（嚟）饮绿茶同食紫姜咩？”亦有少量网民护航：“老实，我觉得佢有几样系好食嘅”、“唔新鲜所以唔比客食”、“上次同店员吹水话请唔够人，厨房得两个所以好多款都做唔到”。
《好食玩飞》已向相关连锁寿司店了解事件，惟至截稿前暂未获回应。