港人闹去观塘食西餐好戆居 低CP值兼污糟邋遢 网民：呢样真驳唔到
观塘作为香港美食圣地，当中一座骆驼漆大厦，所隐藏的美食小店多不胜数，吸引无数市民专程朝圣。但近日有网民却指“去观塘食西餐好戆居”，大闹低CP值兼不够正宗，有网民表示好认同，亦有网民奋力反驳！
港人闹去观塘食西餐好戆居 低CP值兼唔正宗 网民：呢样真驳唔到
好食玩飞Instagram官方帐号开咗啦！请Follow我哋：https://bit.ly/38tlS4l
有网民于Facebook群组“X官塘老母群组”中发帖询问：“觉唔觉啲人去观塘工厦食西餐都几戆居”，首先批评观塘用餐价格普遍不算便宜，基本上与港岛地舖餐厅价钱相约，甚至更贵，却只能食到普通货色，“MK仔煮碟意粉比你都收成百，煎块猪扒都收$200”，大闹西餐不够正宗，直言“唔明凭咩收咁贵。”
楼主又称，观塘工厦环境污糟邋遢，水质相信亦好恐怖，加上工厦外墙甩皮甩骨，搭䢂排队热到中暑，让他感叹“见到都唔开胃”，更嘲笑“人哋问你去边度食好嘢，同人讲‘喺骆驼漆大厦入面’真系笑X死人咩？”更让他质疑“究竟咩人可以去观塘工厦食西餐仲可以津津有味？”
楼主连珠发砲大数3宗罪，包括：低CP值、污糟邋遢、不够正宗，有网民留言表示“呢样真，驳唔到”、“食景又冇，食服务又冇，成件事气氛好MK，但价钱一D都唔MK”、“最搞笑系仲要等䢂上落”，讲起水质更有网民分享“啲水......真系恐怖。旧工厦嘅水系黄色！”
有该区居民看到留言，都表示难以反驳，“个个嚟到观塘区问我‘观塘有咩好嘢食呀？’我都系秒杀‘冇呀......’。谈论到为何讲到似美食沙漠般的观塘会被吹捧成美食圣地，有网民认为观塘餐厅靠包装才获得如今地位：“‘隐世’两个字值钱啊嘛！”
有不少网民齐心声讨观塘，亦有部分网民持反对意见，认为“过咗海你讲𠮶个价钱绝对埋唔到单，百零二百蚊想食到啲咩高级靓扒，同喺淘宝揾真货一样难”，带出一分钱一分货的道理，指“你畀得呢啲价钱就唔好预有咩靓嘢食”。
亦有网民指，不少观塘隐世餐厅的确名不虚传，有真材实料。网民大赞“我净系知鲣乌冬同慢煮屋好好食”。另外早前有网民大赞的豪隍点心工房、The Cool Cousins亦获得不少好评。
有网民对楼主讲法嗤之以鼻，反闹“个饮食市场咁大，真系只分高级同低级？再者观塘工业区都变咗好多年 (购物、服务、娱乐、饮食) ，唔通买完嘢又要搭程车过海去食个高级猪扒咩？再者食唔食系你情我愿，贵唔贵值唔值因人而异，到依家个区咪一样咁旺场，睇野唔系睇一面嘅！”
网民持续热议，似乎好难取得共识！大家又认为观塘是否称得上“香港美食圣地”的称号呢？