葵广甜品舖被闹态度恶劣好赶客！称店主出口讽刺“咁你唔好食啦”

葵芳广场（葵广）作为新界西美食之塔，是不少港人周末觅食好去处，但亦有港人质疑入面食物及服务质素参差不齐，今次就有网民投诉指，日前光顾一间甜品舖时，受到店主恶劣对待，更被讽刺：“咁你唔好食啦！”

葵广甜品舖被闹态度恶劣好赶客！称店主出口讽刺“咁你唔好食啦”

有网民（下称事主）向Facebook专页“西店Hi客之道”投稿。据投稿内容描述，事主某日放工后，约9时10分左右，前往葵芳广场（葵广）扫街，听到某甜品舖店主与周边店主谈论自家出品的清心丸“真系好食”。事主听闻后食指大动，便行到该店前表示：“唔该，我要3色芋圆，仙草冻加清心丸唔该”。

🥳🥳🥳好食玩飞Instagram官方帐号开咗啦！请Follow我哋：https://bit.ly/38tlS4l

按照事主描述，当时店主粗声回应：“我地无清心丸㖞”便打算继续收钱，惟事主见清心丸已全部售馨，便表示：“唔好意思啊，咁我唔要住喇”。店主听闻后却疑似火冒三丈，事主形容店主“立即黑面”，并重语气地讽刺：“咁你唔好谂住食啦，唔会有㗎喇，你依啲时间嚟我系唔会有㗎喇，咁你唔好食啦！”。

事主当下回应：“咁我以后都唔买你嘅嘢食”便转身离去，店主则回应道：“咪唔好买啰，系咁㗎喇，依啲时间”，转身后仍听到店主与其他店舖的店主高声议论事主不是，让他默默感叹：“其实我做过啲咩令佢咁大反应？”。

事件公开后备受网民热议。有网民指：“老细好火下”、“话卖晒未算啰，讲咁多废”、“感觉似准备收舖倒晒畀自己食先有客嚟问。但都唔使串个客啊嘛”，更指责“X知你呢个时间无咩？无就橦个牌出嚟啦！无嘢卖就收档，又要开档又要串人夜嚟，西店”。

亦有网民质疑事主：“如果事情真系你所讲咁，咁的确系店主有精神病，但我硬系觉得你收收埋埋，极有可能黐X线𠮶个系你”、“唔多似一开始就会爆你，总觉得打少咗嘢”、“讲返完整对话，同唔好帮自己加无辜既Emoji先啲”，更有网民猜出事主所指甜品铺，表示“好似知边间，我系呢间买过几次又冇咩嘢，佢仲会送多款畀我试添”，直言此对话内容“信50%好”。