老婆婆帮孙仔庆生食酸辣米线冇钱畀 尴尬场面地盘工人1举动获大赞

对不少人而言，食碗米线或者算是一顿颓餐，不过对不少基层市民而言，却仍然堪称奢侈。有网民分享，一位基层老婆婆带孙仔食米线庆生，结果身上无足够现金依度导致情况尴尬，幸好一名地盘工人挺身而出，一个举动获网民大赞！

老婆婆帮孙仔庆生食酸辣米线冇钱畀 尴尬场面地盘工人1举动获大赞

有网民于“香港米线关注组”分享经历，指于深水埗某米线店内目击感人一幕：“有一个好老婆婆同一个大约十岁既小朋友入黎，个小朋友一入到嚟已经好雀跃好开心。”婆婆当时表示，为与孙子庆生，特别让孙子选择了喜爱的酸辣米线。

当时婆婆叫店员过去落单：“唔该比碗净酸辣米线呀！”店员回应指：“净米线我地唔可以转汤底㖞”。让婆婆顿时相当哀愁，甚至出声哀求：“唔该你呀，我孙仔好钟意食呢度既酸辣汤”、“畀一次呀，我得20蚊系身咋”，店员碍于餐厅规矩，实在无法特例处理。

据事主描述，当时情况尴尬，幸好有一个地盘佬走过来：“帮佢叫一碗过桥酸辣米线，我帮佢埋单”，之后就轻松潇洒转身离开。网民在贴文描述：“喺好多人眼中一个唾手可得既米线，突然变得咁奢侈。喺一间米线舖，原来除左食到酸味麻味辣味，仲食到苦涩味同人情味。”

网民阅毕事主经历后，纷纷表示好感人，留言大赞：“好人一世平安”、“好有爱”、“大家都系基层市民，好多地盘哥哥都好好心地。”、“估唔到呢啲好似几廿年前既情境会系今日既香港睇到！社会无情，人间有爱”、“好感动我睇完眼湿湿，如果可以请店家收佢二十蚊只系负责帮佢包底可能会更好。 咁样可以保留婆婆对佢孙仔倾尽所有庆祝生日嘅心意， 以及不接受他人免费午餐嘅尊严。 有一种和婆婆一起和他可爱小朋友一起庆祝生日嘅意义。”

有网民质疑故事真实性，留言指：“个故仔假㗎，楼主故事王嚟，咁认真讨论做乜”，亦有网民表示：“就算系老作，我都觉得值得分享。老实讲我系怀疑的一群，但都觉得感人。店员也没错，但真汉子做得太好。现今社会太多骗子搞到就少咗人留意旁人要否帮。”事件持续引起网民讨论。