剥削无极限：招募有意加入婚摄行业的奴隶

喺网上某Forum见到个post，题目系“招募有意加入婚礼行业的摄影摄录新手”。虽然我对婚礼行业无咩兴趣，但即管睇下啦。

唔睇由自可，一睇就真系把鬼火！“带你实战”、“无任何金钱利益”、“日后介绍工作”。记得近呢一两年都有上网留意Production House摄影、拍摄助理之类嘅工作，呢啲工都出名人工低，话就话助理，其实即系做臭四，学唔学到嘢就睇师傅肯唔肯教。大部份人工都唔过$12000，最低仲见过$8000，讲紧系2016年，以为已经系极限。原来低处未算低，打正旗号For Free都仲有。我谂咗好耐，文中“无任何金钱利益”唔通系指佢帮人拍嘢唔收钱？义拍？

有无人真系Whatsapp佢就唔知喇，不过都奉劝有心入行做摄影、拍片嘅朋友，唔好真系为少少经验贴埋钱返工，一来要拎经验唔需要靠呢啲人，就算真系介绍工作都唔慌系好Job，二来真系唔好做水鱼兼做烂个市，令人觉得一句“带你实战”就唔出钱都请到人。