【隐形工种】吸粪初体验！通渠月薪两万、入行零要求：屎唔系最臭

平日跌咗部电话落马桶，就算个马桶冇屎，你执起𠮶下都会犹疑。而如果话你知有份工，每日就系跑匀全港九新界，清理由几十个、几百个陌生人造成嘅排泄物；相信人工再高都好，都未必咁多人肯制。
“吸粪通渠”讲起嚟就好似一个都市传说，你偶尔会听见呢个行业，不过实际上佢哋提供咩服务？工作内容包括啲咩你又知唔知？我哋今次就派出记者，做一日限定嘅“吸粪实习生”，亲身体验呢个行业嘅工作实况，同埋只有行内人先体会得到嘅辛酸。