有线股东会变“申诉会 ”　散户炮轰︰无息派　要多包糖都唔得？

有线宽频（1097）举行股东大会，小股东除了批评公司供股手法之外，亦有小股东批评“招呼不佳”，直指“连要多杯咖啡都唔畀！”

有线小股东会上大控诉，杨女士批评有线宽频的服务“好差”，约职员安装宽频机，职员要约三次才能有时间，足足浪费了她三个下午。

委任代表开会　小股东：点解我唔可以有张点心券？

杨女士更表示：“我持有股东11万股，因为我用100股股票委任了一个代表来开会，头先去登记的时候，职员话不能领取点心券。我就觉得很奇怪，我持有公司11万股的股票，都唔可以有一张点心券。我又要搭车喺香港走嚟九龙开会，点解会咁穷呢i-Cable？穷到咁犀利呢？”

杨小姐的言论引起在场一班小股东讨论，主席吴天海表示，有关服务水平的意见，他们会和同事研究，有不足之处一定要尽快更正。至于点心券的问题，相信是依据一般公司的方法去做，但亦承诺去了解一下情况。

“要多包糖都唔得　你当股东仔系咩呀？”

吴天海继续回答其他小股东问题，过了一段时间，另一位叶女士举手炮轰：“我有一年嚟呢就攞杯咖啡，佢就畀一包糖我，因为我系食甜啲，想要再攞一包，（侍应话）唔得！只可以要一包。系咪穷到连畀多一包股东仔（都唔得）呢？你当我地股东仔系咩呀？系乞儿咋！你明唔明呀？仲有一次饮完一杯我又觉得口渴，再攞一杯，（侍应话）无！无呀！派晒呀！你哋𠮶啲咖啡、𠮶啲茶呀，一鬼大桶，畀多一杯人哋呀，又值几多钱啫？我行去麦当劳饮杯咖啡，都系十零廿蚊啫，点解要做到咁恐怖呢？”

叶女士说完，吴天海亦向她道歉。

吴天海承诺检讨服务　以及股东会安排

杨女士之后“接力”砲轰：“你根本上年年都无息派啦，个股本又系度蚀紧，我哋嚟到开会呀，系咪要水都无得饮呢？”

吴天海表示，这项政策会去检讨。